C. IULII HYGINI FABVLAE Ex Caligine Chaos ex Chao et Caligine Nox Dies Erebus Aether ex Nocte et Erebo: Fatum Mors Letum Conscientia Somnus Somnia id est Lysimeles Meliphron + dumiles Porphyrion + epaphus Miseria Petulantia Nemesis Euphro[sy]ne miseri Amicitia Discordia Senectus Styx Parcae tres id est Clotho Lachesis Atropos Hesperides Aegle Hesperie +aerica .....Dolor Dolus Ira Luctus Mendacium Ultio Iusiurandum Intemperantia Altercatio Oblivio Socordia Timor Superbia Incestum Pugna Ex Aethere et Die Terra Caelum Mare Ex Aethere et Terra Tartarus Pontus * et Titanes Briareus Gyes |Cottus| |Brontes| Steropes Arges Oceanus Tethys Hyperion |Thia| Polus |Phoebe| Saturnus Ops |Crius Iapetus Themis| Moneta Dione Furiae tres id est Alecto Megaera Tisiphone Ex Terra et Tartaro Gigantes: Enceladus Coeus + elentes mophius Astraeus Pelorus Pallas Emphytus Rhoecus + Ienios Agrius +Alemon[e] Ephialtes Eurytus + effracorydon +pheomis Theodamas Athos Typhon Polybotes +menephiarus Ascus + colophomus Iapetus Ex Ponto et Terra: Thaumas + tusciversus * Ce|to Ne|reus Ex Nereo et Doride Nereides quinquaginta: Glauce Thalia Cymodoce Nesaea Spio Thoe |Halie| Cymothoe Act|a|ea Limnoria Melite Iaera Amphithoe Agaue Doto Prot[h]o Pherusa Dynamene Dexamene Amphinome Callianassa Doris Panope Galat[h]ea Nemertes Apseudes |Callianira| Clymene Ianira Ianassa Maera Orithy|i|a Amathia: Drymo Xantho Ligea Phyllodoce Cydippe Lycorias Cleio Beroe Ephyre Opis Asia Deiopea Arethusa Clymene: Creneis Eunice Leucothoe Ex Phorco et Ceto Phorcides: Pemphredo Enyo + Chersis. pro hac ultima Dino alii ponunt. et Gorgones: Sthenno Euryale Medusa Ex Ponto et Mari piscium genera |Ex Oceano et Tethye| Oceanitides: + Hestyaea Melie Ianthe Admete + filvo Pasithoe Poly|dore Zeu|xo Eurynome Euagore[is] Rhodope + lyriscitia + teschinoeno Clyt|i|e Menesto + piecus Menippe Argia. eiusdem seminis flumina: Strymon: Nilus Euphrates Tigris Indus: Cephisus Ismenus Axius: Achelous Simois Scarnandrus: Inachus Alpheus Thermodo[o]n: Tanais Maeandrus Orontes. Ex Polo et Phoebe: Latona Asterie + aphirape .....Perses Pallas Ex Iapeto et Clymene: Atlas Epimentheus Prometheus Ex Hyperione et Thia: Sol Luna Aurora Ex Saturno et Ope: Vesta Ceres Iuno Pluto Neptunus Iupiter Ex Saturno et Philyra: Chiron Dolops Ex Astraeo et Aurora: Zephyrus Boreas Notus Favonius Ex Atlante et Pleonie: Maia Calypso Alcyone Merope ElectraCelaeno Ex Pallante [Gigante Scylla] |et| Styge: Vis Invidia Potestas Victoria fontes lacus Ex Dione et Iove Venus Ex Iovis capite Minerva Ex Iove et Eurynome Gratiae Ex Iove et Themide Horae Ex Iove et Moneta Musae Ex Iove et Clymene Mnemosyne Ex Iove et Luna Pandia ex Neptuno et Amphitrite Triton ex Iove et Iunone Mars ex Iunone sine patre Vulcanus ex Iove rursus et Iunone Iuventus Libertas ex Iove et Cerere Praserpina ex Iove et Latona Apollo et Diana ex Iove et Maia Mercurius ex Venere et Marte Harmonia et Formido Ex Acheloo et Melpomene Sirenes: Thelxiope Molpe Pisinoe. Ex Sole et Perse: Circe Pasiphae Aeeta Perses ex Aeeta et Idyia Medea Ex Sole et Clymene: Phaethon et Phaethontides Merope Helie* Aetherie Dioxippe Ex Typhone et Echidna Gorgon, Cerberus, draco qui pellem auream arietis Colchis servabat, Scylla quae superiorem partem f[o]eminae inferiorem canis habuit [quam Hercules interemit], Chim|a|era, Sphinx quae fuit in Boeotia, Hydra serpens quae novem capita habuit, quam Hercules interemit, et draco Hesperidum. Ex Neptuno et Medusa Chrysaor et equus Pegasus Ex Chrysaore et Callirhoe Geryon trimembris. CLV Iovis filii Liber ex Proserpina quem Titanes carpserunt, Hercules ex Alcumena, Liber ex Semele Cadmi et Harmoniae |filia|, Castor et Pollux ex Leda Thestii filia, Argus ex Nioba Phoronei filia, Epaphus ex Io Inachi filia, Perseus ex Danae Acrisii filia, Zethus et Amphion ex Antiopa Nyctei filia, Minos Sarpedon et Rhadamanthus ex Europa Agenoris filia, Hellen ex Pyrrha Epimethei filia, Aethlios ex Protegenia Deucalionis filia, Dardanus ex Electra Atlantis filia, Lacedaemon ex Taygete Atlantis filia, Tantalus ex Plutone Himantis filia, Aeacus ex Aegina Asopi filia, Aegipan ex capra, + Boetis * Arcada ex Callisto Lycaonis filia, Pirithos ex Dia Deionei filia. [CLVI Solis filii Circe ex Perseide Oceani filia Pasiphae, ex Clymene Oceani filia Phaet|h|on Lampetie Aegle Phoebe **]. CLVII Neptuni filii Boeotus et Hellen ex Antiopia Aeoli filia Agenor et Bel|us ex Libye Epaphi filia Leucon ex Themisto Hypsei filia. Abas ex Arethusa Nerei filia. [Belus] Actor* + Euadne ex Lena Leucippi filia. Cycnus ex Calyce Hecatonis filia. Bel|lerophon ex Eurymede Nysi filia. Hylrieus ex Alcyone Atlantis filia. + Ephoceus ex Alcyone Atlantis filia. Dictys ex Agamede Augiae filia. Megareus ex Oenope Epopei filia. Periclymenus * |Eurypylus| et Ancaeus ex Astypalaea Phoenicis filia. Neleus et Pelias ex Tyro Salmonei filia. [Euphernus et] Lycus [et Nycteus] ex Celaeno +Ergei filia. + Peleus Arprites. Ancaeus |ex Althaea Thestii filia. Eulmolpus ex Chiona Aquilonis filia. |Nauplius ex| Amymone |Danai filia| [item Cyclops] Euphemus |ex Europa Tityi filia| Amycus ex Melie |Oceani filia.| Busiris |ex Libye Epaphi|filia. CLVIII Vulcani filii Palaemon + Cecrops Erichthonius Corynetes Cercyon Philottus Spinther. CLVIIII Martis filii Oenomaus ex Sterope. [Harmonia ex Venere]. + ex Leodoce; Lycus, Diomedes Thrax, Ascalaphus Ialmenus Cycnus Dryas. CLX Mercurii filii Priapus. Echion ex Antianira et Eurytus. Cephalus ex Creusa Erechthei filia. + Eurestus Aptale. Libys ex Libye + Palamendis filia. CLXI Apollinis filii Delphus ** Asdepius ex Coronide Phlegyae filia. +Eurypides ex Cleobula. + Ilius ex Urea Neptuni filia. Agreus ex Euboea Macarei filia. Philammon ex Leuconoe Luciferi filia. Lycoreus ex |Corycia| nympha. Linus ex Urania musa. Aristaeus ex Cyrene Penei filia. CLXII Herculis filii Hyllus ex Deianira. Tlepolemus ex Astyoche + Leucites. Telephus ex Auge Alei filia. Leucippus. Ther|i|omachus Creontiades + Archelous |Di|opithes Deicoon. Euhenus. + Lidus et duodecim Thespiadae, quos ex Thespii regis filiabus procreavit. CLXIII Amazones Ocyale Dioxippe Iphinome Xanthe Hippothoe Otrere Antiope Laomache Glauce Agaue Theseis Hippolyte Clymene Polydora Penthesilea. CXXXVIII Philyra Saturnus Iovem cum quaereret per terras, in Thracia cum Philyra Oceani filia in equum conversus concubuit; quae ex eo peperit Chironem centarum, qui artem medicam primus invenisse dicitur. Philyra postquam invisitatam speciem se peperisse vidit, petit ab Iove, ut se in ali[qu]am speciem commutaret, quae in arborem philyram hoc est tiliam commutata est. CXXXIX Curetes Postquam Opis Iovem ex Saturno peperit, petit Iuno ut sibi eum concederet, quoniam Saturnus Orcum sub tartara deiecerat et Neptunum sub undas, quod sciret, si quis ex eo natus |superesset fatum| esse |u|t se regno privaret. qui cum Opem rogaret, ubi esset quod [illa] peperisset, illa lapidem * involutum ostendit: eum Saturnus devoravit. quod cum sensisset, coepit Iovem quaerere per terras, Iuno autem Iovem in Creten[si] insula|m| detulit. at Amalthea pueri nutrix eum in cunis in arbore suspendit, ut neque coelo neque terra neque mari inveniretur: et ne pueri vagitus exaudiretur, impuberes convocavit eisque clipeola aenea et hastas dedit et iussit eos circum arborem euntes crepare. qui Graece Curetes sunt appellati; alii Corybantes dicuntur, hi autem Lares appellantur. CXL Python Python Terrae filius draco ingens. hic ante Apollinem ex oraculo in monte Parnasso responsa dare solitus erat. huic ex Latonae partu interitus erat fato futurus. eo tempore Iovis cum Latona Poli filia concubuit. hoc cum Iuno resciit, facit ut Latona ibi pareret, quo Sol non accederet. Python ubi sensit, Latonam ex Iove gravidam esse, persequi coepit ut eam interficeret: at Latonam Iovis iussu ventus Aquilo sublatam ad neptunum pertulit. ille eam tutatus est, sed ne rescinderet Iunonis factum, in insulam eam Ortygiam detulit, quam insulam fluctibus cooperuit. quod cum Python eam non invenisset, Parnassum redit: ad Neptunus insulam Ortygiam in superiorem partem retulit, quae postea insula Delos est appellata. ibi Latona oleam tenens parit Apollinem et Dianam, quibus Vulcanus sagittas dedit donum. post diem quartum quam essent nati, Apollo matris poenas executus est. nam Parnassum venit et Pythonem sagittis interfecit, unde Pythius est dictus ossaque eius in cortinam coniecit et in templo suo posuit, ludosque funebres ei fecit, qui ludi Pythia dicuntur. CLVIIII Athenae Inter Neptunum et Minervam cum esset certatio, qui primus oppidum in terra Attica conderet, Iovem iudicem sumpserunt. Minerva quod primum in ea terra oleam sevit, quae adhuc dicitur stare, secundum eam iudicatum est. at Neptunus iratus in eam terram mare coepit irrigare velle; quod Mercurius Iovis iussu id ne faceret prohibuit. itaque Minerva ex suo nomine oppidum Athenas condidit, quod oppidum in terris dicitur primum esse constitutum. CLXV Marsyas Minerva tibias dicitur prima ex osse cervino fecisse et ad epulum deorum cantatum venisse. Iuno et Venus cum eam irriderent, quod et caesia erat et buccas inflaret, foeda visa et in cantu irrisa in Idam silvam ad fontem venit ibique cantans in aqua se aspexit et vidit se merito irrisam: unde tibias ibi abiecit et imprecata est, ut quisquis eas sustulisset gravi afficeretur supplicio. Quas Marsyas Oeagri filius unus e satyris invenit; quibus assidue commeletando sonum suaviorem in dies faciebat, adeo ut Apollinem ad citharae cantum in certamen provocaret. quo ut Apollo venit, Musas iudices sumpserunt: et cum iam Marsyas inde victor discederet, Apollo citharam versabat idemque sonus erat; quod Marsya tibiis facere non potuit. itaque Apollo victum Marsyan ad arborem religatum Scythae tradidit qui eum membratim + separavit. reliquum corpus discipulo Olympo sepulturae tradidit: e cuius sanguine * flumen Marsya est appellatum. CLXVI Erichthonius Vulcanus Iovi c[a]eterisque diis solia aurea ex adamante cum fecisset, Iuno cum sedisset subito in aere pendere coepit. quod cum ad Vulcanum missum esset, ut matrem quam ligaverat solveret, iratus quod de coelo praecipitatus erat negat se matrem ullam habere. quem cum Liber pater ebrium in concilio deorum adduxisset, pietati negare non potuit: tum optionem a Iove accepit, si quid ab iis petiisset, impetraret. tunc ergo Neptunus, quod Minervae erat infestus, instigavit Vulcanum Minervam petere in coniugium. qua re impetrata in thalamum cum venisset, Minerva monitu Iovis virginitatem suam armis defendit, interque luctandum ex semine eius quod in terram decidit natus est puer, qui inferiorem partem draconis habuit; quem Erichthonium ideo nominarunt, quod eris graece certatio dicitur, chthon autem terra dicitur. quem Minerva cum clam nutriret, dedit in cistula servandum Aglauro Pandroso et Hersae Cecropis filiabus. has cur cistulam aperuissent cornix indicavit; illae a Minerva insania obiecta ipsae se in mare praecipitaverunt. CLXVII Liber Liber Iovis et Proserpinae filius a Titanis est distractus, cuius cor contritum Iovis Semelae dedit in potionem. ex eo praegnans cum esset facta, Iuno in Beroen nutricem Semeles se commutavit et ait: "alunna, pete a Iove ut sic ad te veniat, quem ad modum ad Iunonem, ut scias quae voluptas est cum deo concumbere". Illa autem instigata petit ab Iove, et fulmine est icta. ex cuius utero Liberum exuit et Nyso dedit nutriendum unde Dionysus est appellatus et Bimater est dictus. CXLVI Proserpina Pluton petit ab Iove Proserpinam filiam eius et Cereris in coniugium [daret]. Iovis negavit Cererem passuram ut filia sua in tartaro tenebricoso sit, sed iubet eum rapere eam flores legentem in monte Aetna, qui est in Sicilia. in quo Proserpina dum flores cum Venere et Diana et Minerva legit, Pluton quadrigis venit et eam rapuit. quod postea Ceres ab Iove impetravit, ut dimidia parte anni apud se, dimidia apud Plutonem esset. CXLVII Triptolemus Cum Ceres Proserpinam filiam suam quaereret devenit ad Eleusinum regem, cuius uxor Cothonea puerum Triptolemum pepererat, seque nutricem lactantem simulavit. hanc regina libens nutricem filio suo recepit. Ceres cum vellet alumnum suum immortalem reddere,interdiu lacte divino alebat, |noctu| clam [in] igne obruebat; itaque praeterquam solebant mortales crescebat. Id sic fieri cum mirarentur parentes eam observaverunt. cum Ceres eum vellet in ignem mittere pater expavit: illa irata Eleusinum exanimavit, at Triptolemo alumno suo aeternum beneficium tribuit; nam fruges propagatum currum draconibus iunctum tradidit, quibus vehens orbem terrarum frugibus obsevit. postquam domum rediit, Celeus eum pro benefacto interfici iussit; sed re cognita iussu cereris Triptolemo regnum dedit ** quod ex patris nomine Eleusinum nominavit Cererique sacra * instituit, quae thesmophoria graece dicuntur. CXLVIII Vulcanus Vulcanus cum resciit Venerem cum Marte clam concumbere et se virtuti eius obsistere non posse, catenam ex adamante fecit et circa lectum posuit, ut Martem astudia deciperet. ille cum ad constitutum venisset, concidit cum Venere in plagas, adeo ut se exolvere non posset. id Sol cum Vulcano nuntiasset, ille eos nudos cubantes |ut| vidit, deos omnes concavit + viderunt ex eo Martem id ni faceret pudor terruit. ex eo conceptu nata est Harmonia, cui * Minerva et Vulcanus vestem sceleribus tinctam muneri dederunt, ob quam rem progenies eorum scelerata extitit Soli autem Venus ob indi cium + ad progeniem eius semper fuit inimica. CXLI Sirenes Sirenes Acheloi fluminis et Melpomenes Musae filiae Proserpinae raptu aberrantes ad Apollinis petram venerunt ibique Cereris voluntate, quod Proserpinae auxilium non tulerant, volaticae sunt factae. his responsum erat tamdiu eas victuras, quamdiu cantantes eos audiens nemo esset praetervectus. quibus fatalis fuit Ulysses: astutia enim sua cum praeternavigasset scopulos, in quibus morabantur, praecipitarunt se in mare. a quibus locus Sirenides cognominatur, qui est inter Siciliam et Italiam. CXLII Pandora Promethus Iapeti filius primus homines ex luto finxit. postea Vulcanus Iovis iussu ex luto mulieris effigiem fecit, cui Minerva animam dedit c[a]eterique dii alius aliud donum dederunt ob idque Pandoram nominarunt. ea data in coniugium Epimetheo fratri, inde nata est Pyrrha, quae mortalis dicitur prima esse creata. CXLIIII Prometheus Homines antea ab immortalibus ignem petebant neque in perpetuum servare sciebant. quod postea Prometheus in ferula detulit in terras hominibusque monstravit, quomodo cinere obrutum servarent. ob hanc rem Mercurius Iovis iussu deligavit eum in monte Caucaso ad saxum clavis ferreis et aquilam apposuit, quae cor eius exesset. |quae| quantum die ederat tantum nocte crescebat. hanc aquilam post triginta annos Hercules mterteat eumque liberavlt. CXLIII Phoroneus Inachus Oceani filius ex Argia sorore sua procreavit Phoroneum qui primus mortalium dicitur regnasse. Homines ante s|a|ecula multa sine oppidis legibusque vitam exegerunt una lingua loquentes "sub Iovis imperio": sed postquam Mercurius sermones hominum interpretatus est (unde ermeneutes dicitur esse interpres; Mercurius enim graece Hermes vocatur) id est nationes distribuit, tum discordia inter mortales esse coepit, quod Iovi placitum non est. itaque exordium regnandi tradidit Phoroneo. ob id beneficium [quod] Iunoni sacra primus fecit. CXLV Niobe sive Io Ex Phoroneo et + Cinna nati Apis et Nioba. hanc Iupiter mortalem primam compressit: ex ea natus est Argus qui suo nomine Argos oppidum cognominavit. Ex Argo et Euadne Criasus Piranthus Ecbasus nati; ex Pirantho |et| Callirhoe Argus Arestorides Triopas, hic ** ex hoc |etl + Eurisabe Anthus Pelasgus Agenor; ex [Triope et] Arestoride Xantus et Inachus; ex Pelasgo Larisa, ex Inacho et Argia Io. Hanc Iupiter dilectarn compressit et in vaccae figuram convertit, ne Iuno eam cognosceret. id Iuno cum rescivit Argum, cui undique oculi refulgebant, custodem ei misit: hunc Mercurius Iovis iussu interfecit; at Iuno formidinem ei |im|misit, cuius timore exagitatam coegit eam ut se in mare praecipitaret, quod mare Ionium est appellatum; inde in Scythiam transnavit, unde + Bosphorum fine sunt dictae; inde in Aegyptum, ubi parit Epaphum. Iovis cum sciret suapte [propter] opera tot eam aerumnas tulisse, formam ei propriam restituit, deamque Aegyptiorum esse fecit, quae Isis nuncupatur. CXLVIIII Epaphus Iupiter Epaphum, quem ex Io procreaverat, Aegypto oppida communire ibique regnare iussit. Is oppidum primum Memphim et alia plura constituit et ex Cassiopa uxore procreavit filiam Libyen **, a qua terra est appellata. CL Titanomachia Postquam Iuno vidit Epapho ex pellice nato tantam regni potestatem esse, curat, in venatu ut Epaphus necetur, Titanosque hortatur, Iovem ut regno pellant Saturnoque restituant. hi cum conarentur in coelum ascendere, eos Iovis cum Minerva et Apolline et Diana in tartarum deiecit, Atlanti autem, qui dux eorum fuit, coeli fornicem super humeros imposuit. qui adhuc dicitur coelum sustinere. CLI ex Typhone et Echidna nati [Ex Typhone gigante et Echidna Gorgon; canis Cerberus triceps; draco qui mala Hesperidum trans oceanum servabat; hydra quam ad fontem Lernaeum Hercules interfecit; draco qui pellem arietis Colchis senabat; Scylla quae superiorem partem mulieris inferiorem canis et canes sex ex se natos habebat; Sphinx quae in Boeotia fuit; Chimaera in Lycia quae priorem partem leonis figuram posteriorem draconis habebat media ipsa Chimaera. - Ex Medusa Gorgonis filia et Neptuno nati sunt Chrysaor et equus Pegasus, ex Chrysaore et Calli|r|rhoe Geryon trimembris] CLII Typhon [Tartarus ex Terra procreavit Typhonem immani magnitudine specieque portentosa cui centum capita draconum ex humeris enata erant. hic Iovem provocavit si vellet secum de regno certare|t|. Iovis fulmine ardenti pectus eius percussit; qui cum flagraret montem Aetnam qui est in Sicilia super eum imposuit, qui ex eo adhuc ardere dicitur.] Phaethon Solis et Clymenes filius cum clam patris currum conscendisset et altius a terra esset elatus, prae timore decidit in flumen Eridanum. hunc Iuppiter cum fulmine percussisset, omnia ** ardere coeperunt. Iovis ut omne genus mortalium cum causa interficeret, simulavit se id velle extinguere: * amnes undique irrigavit, omneque genus mortalium interiit praeter Pyrrham et Deucalionem. at sorores Phaethontis quod equos iniussu patris iunxerant in arbores populos commutatae sunt. CLIII Deucalion et Pyrrha Cataclysmus quod nos diluvium vel irrigationem dicimus cum factum est, omne genus humanum interiit praeter Deucalionem et Pyrrham, qui in montem Aetnam, qui altissimus in Sicilia esse dicitur, fugerunt. hi propter solitudinem cum vivere non possent, petierunt ab Iove ut aut homines daret, aut eos pari calamitate afficeret. tum Iovis iussit eos lapides post se iactare. quos Deucalion iactavit viros esse iussit, quos Pyrrha mulieres. ob eam rem laos * dictus, laas enim graece lapis dicitur. CLIIII Phaethon. Heliades Phaethon Clymeni Solis filii et Meropes nymphae filius, quam Oceanitidem accepimus, cum indicio patris avum Solem cognovisset, impetratis curribus male usus est. nam cum esset propius terram vectus vicino igni omnia conflagrarunt et fulmine ictus in flumen Padum cecidit. [hic amnis a Graecis Eridanus dicitur, quem Pherecydes primus vocavit.] indi autem, quod calore vicini ignis sanguis in atrum colorem versus est, nigri sunt facti: sorores autem Phaethontis dum interitum deflent fratris in arbores sunt populos versae. [harum lacrimae, ut Hesiodus indicat, in electrum sunt duratae.] [Heliades tamen nominantur; sunt autem Merope Helie Aegle Lampetie Phoebe Aetherie Dioxippe.] Cygnus autem rex Liguriae, qui fuit Phaethonti propinquus, dum deflet propinquum, in cygnum conversus est. is quoque moriens flebile canit. CLXXI Altheaea Cum Althaea Thestii filia una nocte concubuerunt Oeneus et Mars; ex quibus cum esset natus Meleager subito in regia apparuerunt Parcae [Clotho Lachesis Atropos.] Cui fata ita cecinerunt: Clotho dixit eum generosum futurum, Lachesis fortem, Atropos titionem ardentem aspexit in foco et ait: "tamdiu hic vivet, quamdiu hic titio consumptus non fuerit". hoc Althaea mater cum audisset exiluit de lecto atque titionem extinxit et eum in media regia obruit fatalem, ne ab igni obrueretur. CLXXII Oeneus Oeneus Parthaonis filius Aetoliae rex cum omnibus diis annua sacra fecisset et Dianam praeteriisset, ea irata aprum immani magnitudine, qui agrum Calydonium vastaret, misit. tunc Meleager Oenei filius se pollicetur cum delectis Graeciae ducibus ad eum expugnandum iturum. CLXXIII Qui ad aprum Calydonium ierunt. CASTOR et POLLUX EURYTUS Mercurii . . PARTH . . . Thebis Iovis filii ECHION Mercurii AESCULAPUS Apollinis Thracia IASON Aesonis ALCON Martis EUPHEMUS Neptuni [Thebis] *IOLAUS Iphicli LYNCEUS et PELEUS Aeaci TELAMON Aeaci IDAS Apharei ADMETUS Pheretis LAERTA Arcesii DEUCALION Minois THESEUS Aegei PLEXIPPUS [Ideus Lynceus] Thestii filii fratres Althaeae HIPPOTHOUS Cercyonis CAENEUS Elati MOPSUS Ampyci MELEAGER Oenei * * HIPPASUS Euryti ANCAEUS Lycurgi PHOENIX Amyntoris DRYAS ENAESIBIUS |et| ALCON Iapeti LEUCIPPUS Hippocoontis [Amyclis] ATALANTE Schoenei. CLXXIII Quae civitates auxilium miserunt Oeneo Taenaros Iolcos Sparta Pleuron Messene Perrhaebia Phthia Magnesia Salamin Calydon Thessalia Oechalia Ithaca Tegea Creta Alope Athenae [Magnesia] et Arcadia. CLXXIIII Meleager Althaea Thestii filia ex Oeneo peperit Meleagrum. ibi in regia dicitur titio ardens apparuisse. huc Parcae venerunt et Meleagro fata cecinerunt, eum tamdiu victurum quamdiu is titio esset incolumis. Hunc Althaea in arca clausum diligenter servavit. Interim ira Dianae, quia Oeneus sacra annua ei non fecerat, aprum mira magnitudine qui agrum Calydonium vastaret misit: quem Meleager cum delectis iuvenibus Graeciae interfecit pellemque eius ob virtutem Atalant|a|e virgini donavit, quam + Ideus Plexippus + Lynceus Althaeae fratres eripere voluerunt. Illa cum Meleagri fidem implorasset, ille intervenit et amorem cognationi anteposuit, avunculosque suos occidit. id Althaea mater |ut| audivit. filium suum tantum facinus esse ausum, memor parcarum praecepti titionem ex arca prolatum in ignem coniecit. ita dum fratrum poenas vult exsequi filium interfecit: at sorores eius praeter Gorgen et Deianiram flendo deorum voluntate in aves sunt transfiguratae quae meleagrides vocantur: at coniunx eius Alcyone moerens in luctu decessit. CLXXV Agrius Agrius Parthaonis filius ut vidit Oeneum fratrem orbum liberis factum egentem regno expulit atque ipse regnum possedit. interim Diomedes Tydei filius et Deipyles Ilio devicto, ut audivit avum suum regno pulsum, pervenit in Aetoliam cum Sthenelo Capanei filio et armis contendit cum Lycopeo Agrii filio. quo interfecto Agrium egentem e regno expulit atque Oeneo avo suo regnum restituit. postque Agrius regno expulsus ipse se interfecit. CLXXVI Lycaon Ad Lycaonem Pelasgi filium Iovis in hospitium venisse dicitur et filiam eius Callisto compressisse; ex quo natus est Arcas, qui ex suo nomine terrae nomen indidit. sed Lycaonis filii Iovem tentare voluerunt, deusne esset, |et| carnem humanam cum c[a]etera carne commiscuerunt idque in epulo ei apposuerunt. qui postquam sensit iratus mensam evertit Lycaonis filios fulmine necavit. eo loco postea Arcas oppidum communivit quod Trapezous nominatur. patrem luppiter in lyci figuram mutavit. CLXXVII Callisto Callisto Lycaonis filia ursa dicitur facta esse ob iram Iunonis quod cum Iove concubuit. Postea Iovis in stellarum numerum retulit, quae septentrio appellatur, quod signum loco non movetur neque o®idit. Tethys enim Oceani uxor nutrix Iunonis prohibet eam in Oceanum occidere. [hic ergo septentrio maior.] [de qua in +creticis versibus: tuque Lycaoniae mutatae semine nymphae quam gelido raptam de vertice Nonacrinae oceano prohibet semper se tingere Tethys ausa suae quia sit quondam succumbere alumnae. haec igitur ursa a Graecis helike appellatur: haec habet stellas in capite septem non claras, in utraque aure duas in armo unam in pectore claram unam in extrema coxa claram unam in femine posteriori duas in pede extremo duas in cauda tres, numero viginti.] CLXVIII Danaus Danaus Beli filius ex pluribus coniugibus quinquaginta filias habuit, totidemque filios frater Aegyptus, qui Danaum fratrem interficere voluit ut regnum paternum solus obtineret |et filias eius| filiis uxores a fratre poposcit. Danaus re cognita Minerva adiutrice ex Africa Argos profugit: tunc primum dicitur Minerva navem fecisse biproram in qua Danaus profugeret. At Aegyptus ut resciit Danaum profugisse mittit filios ad persequendum fratrem et eis praecepit, ut aut Danaum interficerent aut ad se non reverterentur. qui postquam Argos venerunt, oppugnare patruum coeperunt. Danaus ut vidit se iis obsistere non posse, pollicetur eis filias suas uxores, pugna absisterent. impetratas sorores patrueles acceperunt uxores, quae patris iussu viros suos interfecerunt. Sola Hypermestra Lynceum servavit. ob id c[a]eterae dicuntur apud inferos in dolium pertusum aquam ingerere. Hypermestrae et Lynceo fanum factum est. CLXVIIII Amymone Amymone Danai filia dum studiose in silva venatur Satyrum iaculo percussit: eam Satyrus voluit violare: illa Neptuni fidem imploravit. quo Neptunus cum venisset, Satyrum abegit et ipse cum ea concubuit; ex quo conceptu nascitur Nauplius. id in quo loco factum est Neptunus dicitur fuscina percussisse terram et inde aquam profluxisse, qui Lernaeus fons dictus est et Amymonium flumen. Amymone Danai filia missa est a patre aquam petitum ad sacrum faciendum. quae dum quaerit lassitudine obdormiit. quam Satyrus violare voluit; illa Neptuni fidem imploravit. quod cum Neptunus fuscinam in Satyrum misisset, illa se in petram fixit; Satyrum Neptunus fugavit. qui cum * quaereret in solitudine a puella, illa se aquatum missam esse dixit a patre. quam Neptunus compressit; |ex qua compressione natus est Nauplius.| pro quo beneficium ei tribuit iussitque eius fuscinam de petra educere. quae cum eduxisset [et] tres silani sunt secuti. qui ex Amymones nomine Amymonius fons appellatus est. hic autem fons Lernaeus est postea appellatus. CLXX Filiae Danai quae quos occiderunt + Idea Antimachum Scylla Proteum Euippe * * * * * * Agenorem *** Chrysippum Trite Enceladum Hippothoe Obrimum Eurydice Canthum + Arcania Xanthum + Philea . Philinam Chrysothemis +Asteriden +Armo asbus Demophile Pamphilum Polyxena Aegyptum +Achamantis +Echominum +Monuste Eurysthenem Helice + Euideam Polybe + Iltonomum Eectra + Hyperantum + Daplidice + Pugnonem + Europome + Atlitem Philomela Panthium + Phicomone Plexippum *** *** Demoditas * * * + Hyale Perium + Damone Amyntorem Myrmidone +Mineum Cleo Asterium Cleopatra Metalcem +Hyparete Protheonem Pyrante Athamantem Glaucippe +Niavium Autodice Clytum Hecabe Dryantem + Arsalte Ephialtem Amymone +Midamum [Am] Oeme Poly[de]ctorem + Helicta Cassum Eubule Demarchum Hero Andromachum + Pyrantis Plexippum Critomedia Antiapaphum + Eupheno Hyperbium Celaeno +Aristonon +Erate Eudemonem. Pirene Dolichum Themistagora +Podasimum + Itea Antiochum Hypermstra Lynceum servavit; qui cum Danaus perisset primusque Abas ei nuntiasset Lynceus, circumspiciens in templo quid ei muneri daret, casu conspexit clipeum, quem Danaus consecraverat Iunoni, quem in iuventa gesserat: refixit et donavit Abanti ludosque consecravit qui quinto quoque anno aguntur, qui appellantur aspis en Argei.. [e] quibus ludis cursoribus corona non datur sed clipeus. At Danaides post patris interitum viros duxerunt Argivos, e quibus qui nati * sunt appellati. CLXXVIII Europa Europa Argiopes et Agenoris filia Sidonia: hanc Iupiter in taurum conversus a Sidone Cretam transportavit et ex ea procreavit Mino[n]em Sarpedonem Rhadamanthum. huius pater Agenor suos filios misit, ut sororem reducerent aut ipsi in suum conspectum non redirent. Phoenix in Africam est profectus ibique remansit; inde Afri Poeni sunt appellati. Cilix suo nomine Ciliciae nomen indidit. Cadmus cum erraret, Delphos devenit: ibi responsum accepit, ut a pastoribus bovem emeret, qui Lunae signum in latere haberet, eumque ante se ageret; ubi decubuisset, ibi fatum esse eum oppidum condere et ibi regnare. Cadmus sorte audita cum imperata perfecisset et aquam quaereret, ad fontem Castalium venit, quem draco Martis filius custodiebat. qui cum socios Cadmi interfecisset a Cadmo lapide est interfectus; dentesque eius Minerva monstrante sparsit et aravit, unde Spartoe sunt enati. qui inter se pugnarunt, ex quibus quinque superfuerunt, id est Chthonius Udaeus Hyperenor Pelorus et Echion. ex bove autem, quem secutus fuerat, Boeotia est appellata. CLXXVIIII Semele Cadmus Agenoris et Argiopes filius ex Harmonia Martis et Veneris filia procreavit filias quatuor Semelen Ino Agauen Autonoen et Polydorum filium - Iovis cum Semele voluit concumbere. quod Iuno cum resciit, specie immutata in Beroen nutricem ad eam venit et persuasit, ut peteret ab Iove, ut eodem modo ad se quomodo ad Iunonem veniret, 'ut intelligas', inquit, 'quae sit voluptas cum deo concumbere'. itaque Semele petiit ab Iove, ut ita veniret ad se. qua re impetrata Iovis cum fulmine et tonitribus venit et Semele[m] conflagravit. ex utero eius Liber est natus (quem Mercurius ab igne ereptum Nyso dedit educandum) et graece Dionysus est appellatus. CLXXXII [Oceani filiae Oceani filiae Idothea A|ma|lthea Adrast|e|a (alii dicunt Meliss|e|i filias esse) Iovis nutrices] * quae nymphae Dodonides dicuntur (alii Naiades vocant) quarum nomina Cisseis Nysa Erato Eriphia Bromie Polyhmno. hae in monte Nysa munere alumni potitae sunt, qui Medeam rogaverat, et deposita senectute in iuvenes mutatae sunt, consecrataeque postea inter sidera Hyades appellantur. alii tradunt vocitatas Arsin|o|e Ambrosie Bromie Cisseis Coronis. CLXXXIII Equorum Solis et Horarum nomina Eous; per hunc coelum verti solet. Aethops quasi flammeus est, concoquit fruges. hi funales sunt mares, f[o]eminae iugariae: Bronte quae nos tonitrua appellamus, Sterope quae fulgitrua. huic rei auctor est Eumelus Corinthius. [Item quos Homerus tradit Abraxas Soter Bel Iao. item quos Ovidius Pyrois Eous Aethon et Phlegon.] Horarum vero nomina (hae sunt Iovis Saturni filii et Themidis filiae Titanidae) Auxo Eunomia Pherusa Carpo Dice Euporie Thallo Irene Orthosie. alii auctores tradunt decem his nominibus: Auge Anatole Musice Gymnastice Nymphes Mesembria Sponde + elete + Acteethecypris Dysis. CLXXX Actaeon Actaeon Aristaei et Autonoes filius pastor Dianam lavantem speculatus est et eam violare voluit. ob id Diana irata fecit ut ei cornua in capite nascerentur et a suis canibus consumeretur. [CLXXXI Diana Diana cum in valle opacissima cui nomen est Gargaphia aestivo tempore fatigata ex assidua venatione se ad fontem cui nomen est Parthenius perlueret, Actaeon Cadmi nepos, Aristaei et Autonoes filius, eundem locum petens ad refrigerandum se et canes, quos exercuerat feras persequens, in conspectum deae incidit: qui ne * loqui posset, in cervum ab ea est conversus. ita pro cervo laceratus est a suis canibus], quorum nomina, masculi: [Melampus Ichnobates [Echnobas] Pamphagos Dorceus Oribasus Nebrophonos L|a|elaps Theron Pterelas |Agre| Hylaeus Nape Ladon |Asbolus| Poemenis [Therodanapis Aura] Lacon Harpy|i|a Aello Dromas Thous Canac[h]e Cyprius Sticte Labros [Arcas] Argiodus Tigris Hylactor Alce Harpalus Lycisce Melaneus Lachne Leucon. item tres qui eum [Gnosius] consumpserunt [foeminae] Melanchaetes [Agre] Theridamas Oresitrophos. Item alii auctores tradunt haec nomina: Acamas Syrus Aeon Stilbon Agrius Charops Aethon +Coran Boreas Draco Eudromus Dromius Zephyrus Lampus Haemon Cyllopodes Harpalycus Machimus Ichneus Melampus Ocydromus Borax Ocythous +Pachitus Obrimus, f[o]eminae: Argo Arethusa Urania Theriope Dinomache Dioxippe Echione Gorgo Cyllo Harpyia Lynceste Leaene Lac|a|ena Ocypete Ocydrome Oxyroe Orias +Sagnos Theriphone Volatos Chediaetros. CLXXXIIII Pentheus et Agaue Pentheus Echionis et Agaues filius Liberum negavit deum esse nec mysteria eius accipere voluit. ob hoc eum Agaue mater cum sororibus Ino et Autonoe per insaniam a Libero obiectam membratim laniavit. Agaue + ut suae mentis compos facta [est,] ut vidit se Liberi impulsu tantum scelus admisisse, profugit ab Thebis atque errabunda in Illyriae fines devenit ad Licotersen regem. quam Licoterses excepit..... Fabula prima Themisto Athamas Aeoli filius habuit ex Nebula uxore filium Phrixum et filiam Hellen, et ex Themisto Hypsei filia filios duos Sphincium et Orchomenum, et ex Ino Cadmi filia filios duos Learchum et Melicerten. Themisto, quod se Ino coniugio privasset, filios eius interficere voluit. itaque in regia latuit clam et occasione nacta, cum putaret se inimicae natos interfecisse, suos imprudens occidit, a nutrice decepta, quod eis vestem perperam iniecerat. Themisto cognita re ipsa se interfecit. II Ino Ino Cadmni et Harmoniae filia, cum Phrixum et Hellem ex Nebula natos interficere voluisset, iniit consilium cum totius generis matronis et coniuravit, ut fruges in sementem quas darent torrerent, ne nascerentur: ita ut, cum sterilitas et penuria frugum esset, civitas tota partim fame partim morbo interiret. De ea re Delphos mittit Athamas satellitem. cui Ino praecepit, ut falsum responsum ita referret: si Phrixum immolasset Iovi, pestilentiae fore finem. Quod cum Athamas se facturum abnuisset, Phrixus ultro ac libens pollicetur se unum civitatem aerumna liberaturum. itaque cum ad aram cum infulis esset adductus et pater Iovem comprecari vellet, satelles misericordia adolescentis Inus Athamanti consilium patefecit. Rex facinore cognito uxorem suam Ino et filium eius Melicerten Phrixo dedit necandos. quos cum ad supplicium duceret Liber pater ei caliginem iniecit et Ino suam nutricem eripuit. [Athamas postea ab Iunone insania obiecta Learchum filium interfecit. at Ino cum Melicerte filio suo in mare se praecipitavit. quam Liber Leucotheam voluit appellari, nos matrem Matutam dicimus, Melicerten autem deum Palaemonem quem nos Portunum dicimus. huic quinto quoque anno ludi gymnici fiunt, qui appellantur isthmia.] III Phrixus Phrixus et Helle insania a Libero obiecta cum in silva errarent, Nebula mater eo|rum| dicitur venisse et arietem inauratum adduxisse, Neptuni et Theophanes filium. in quem natos suos ascendere iussit et Colchos ad regem Aeetam Solis filium transire ibique arietem Marti immolare. [Ita dicitur esse factum.] Qui cum ascendissent et aries eos in pelagus detulisset, Helle de ariete decidit, ex quo Hellespontum pelagus est appellatum; Phrixum autem Colchos detulit. Ibi matris praeceptis * arietem immolavit pellemque eius inauratam in templo Martis posuit. quam servante dracone Iason Aesonis et Alcimedes filius dicitur petisse. Phrixum autem Aeeta libens recepit filiamque Chalciopen dedit ei uxorem. quae postea liberos ex eo procreavit. Sed veritus est Aeeta ne se regno eiicere[n]t, quod ei responsum fuit ex prodigiis, ab advena|e| [Aeoli] filio mortem caveret. itaque Phrixum interfecit. At filii eius Argus Phrontis Melas Cytisorus in ratem conscenderunt ut ad avum Athamantem transirent. [hos Iason cum pellem peteret naufragos ex insula Aria sustulit et ad Chalciopen matrem reportavit, cuius beneficio ad sororem Medeam est commendatus.] [IIII Ino Euripidis] [Athamas in Thessalia rex, cum Inonem uxorem ex qua duos filios * perisse putaret, duxit + nymphae filiam Themistonem uxorem. ex ea geminos filios procreavit. Postea resciit Inonem in Parnasso esse, quae bacchationis caussa eo pervenisse *, misit|que| qui eam adducerent. quam adductam celavit. Resciit Themisto eam inventam esse, sed quae esset nesciebat. coepit velle filios eius necare. rei consciam, quam captivam esse credebat, ipsam Inonem sumpsit et ei dixit, ut filios suos candidis vestimentis operiret Inonis filios nigris. Ino suos candidis, Themistonis pullis operuit. tunc Themisto decepta suos filios occidit. id ubi resciit ipsa se necavit. [Athamas autem in venatione per insaniam Learchum maiorem filium suum interfecit. at Ino cum minore filio Melicerte in mare se deiecit et dea est facta.]] V Athamas Semele quod cum Iove concubuerat, ob id Iuno toto generi eius fuit infesta. itaque Athamas Aeoli filius per insaniam in venatione filium suum interfecit sagittis. VI Cadmus Cadmus Agenoris et Argiopes filius ira Martis quod draconem fontis Castalii custodem occiderat suorum prole interempta cum Harmonia Veneris et Martis filia uxore sua in Illyriae regionibus in dracones sunt conversi. VII Antiopa Antiopa Nyctei filia ab Epopeo per dolum est stuprata: itaque a Lyco viro suo eiecta est. Hanc viduam Iupiter compressit. At Lycus Dircen in matrimonium duxit, cui suspicio incidit virum suum clam cum Antiopa concubuisse: itaque imperavit famulis ut eam in tenebris vinctam clauderent. Cui postquam partus instabat, effugit ex vinculis Iovis voluntate in montem Cithaeronem: cumque partus premeret et quaereret, ubi pareret dolor eam in ipso bivio coegit partum edere. quos pastores pro suis educarunt et appellarunt Zet|h|on apo tou zetein topon, alterum autem Amphionem hoti en diodoi e hoti amphi odon auton eteken id est quoniam in bivio eum edidit. Qui postquam matrem agnoverunt* Dircen ad taurum indomitum deligatam vita provarunt. Ex cuius cruore in monte Cithaerone fons est natus. qui Dircaeus est appellatus, beneficio Liberi, quod eius baccha fuerat. VIII Eadem Euripidis quam scribit Ennius Nyctei regis in Boeotia fuit filia Antiopa. eius formae bonitate Iuppiter adductus gravidam fecit. quam pater cum punire vellet, propter stuprum minitans periculum, Antiopa effugit in Cithaeronem, parit geminos et reli|n|quit. quos pastor educavit, Zet|h|um et Amphionem nominavit. Casu in eodem loco quo illa pervenerat Epopeus Sicyonius stabat. is mulierem advectam domo matrimonio suo iunxit. Id Nyct[a]eus aegre ferens cum moreretur Lyco fratri suo per obtestationem mandat, ne impunem Antiopam ferret. huius post mortem Lycus, cui tum regnum relinquebat, Sicyonem venit: interfecto Epopeo Antiopam vinctam abduxit. Antiopa Dirce uxori Lyci data [erat] in cruciatum [ea] occasione nacta fugae se mandavit. devenit ad filios suos. ex quibus Zet|h|us existimans * fugitivam non recepit. In eundem locum Dirce per bacchationem Liberi illuc * delata est: ibi Antiopam repertam ad mortem extrahebat. sed ab educatore pastore adolescentes certiores facti eam esse matrem suam celeriter consecuti matrem eripuerunt. Dircem ad taurum crinibus religatam necant. Lycum cum occidere vellent vetuit eos Mercurius et simul iussit Lycum concedere regnum Amphioni. IV Niobe Amphion et Zet|h|us Iovis et Antiopes Nyctei filii iussu Apollinis Thebas muro circumcinxerunt usque ad Semeles bustum Laiumque Labdaci regis filium in exilium eiecerunt. ipsi ibi regnum obtinere coeperunt. Amphion in coniugium Niobam Tantali et Diones filiam eccepit. ex qua procreavit liberos septem totidemque filias. Quem partum Niobe Latonae anteposuit superbiusque locuta est in Apollinem et Dianam quod illa 'cincta viri cultu' esset et Apollo vestem + deorsum atque crinitus et se numero filiorum Latonam superare. ob id Apollo filios eius in silva venantes sagittis interfecit [in monte Sipylo] et Diana filias in regia interemit praeter Chloridem. at genitrix liberis orba flendo lapidea facta esse dicitur in monte Sipylo, eiusque hodie 'lacrimae manare' dicuntur. Amphion autem cum templum Apollinis expugnare vellet ab Apolline sagittis est interfectus. X Chloris Chloris Niobes et Amphionis filia, quae ex septem superaverat. hanc habuit in coniugen Neleus Hippocoontis filius. ex qua procreavit liberos masculos XII. Hercules cum Pylum expugnaret Neleum interfecit et filios eius decem, undecimus autem Periclymenus beneficio Neptuni avi in aquilae effigiem commutatus mortem effugit. nam duodecimus Nestor in + ilio erat. qui tria secula vixisse dicitur beneficio Apollinis. nam quos annos + Chloris et fratrum [Apollo] eripuerat, Nestori concessit. XI Niobidae Tantalus Ismenus Eupin|y|lus Phaedimus Sipylus |Dama|sichthon Archenor * Lerta * Chiade Chloris Astycratia * Siboe Eudoxa Ogygia hi sunt filii et filiae Niobae uxoris Amphionis. XII Pelias Peliae Cret|h|ei et Tyrus filio responsum erat, ei si quis monocrepis (id est uno pede calceatus) supervenisset, ut Neptuno sacrum faceret, tum mortem eius appropinquare. Is cum annua sacra faceret Neptuno, Iason Aesonis filius [fratris Peliae] cupidus sacra faciendi, dum flumen Euhenum transiret, calceamentum reliquit. quod ut celeriter ad sacra veniret neglexit. Id Pelias inspicie|n|s memor sortium [praecepti] iussit eum pellem arietis, quam Phrixus Marti sacraverat, inauratam Colchis ab rege Aeeta + hoste petere. Qui convocatis Graeciae ducibus Colchos est profectus. XIII Iuno Iuno cum ad flumen Euhenum in anum se convertisset et staret ad hominum mentes tentandas * ut se flumen [Euhenum] transferrent et id nemo vellet, Iason Aesonis et Alcimedes filius eam transtulit. Ea autem irata Peliae, quod sibi sacrum intermiserat facere, effecit ut Iason unam crepidam in limo relinqueret. XIV Argonautae convocati IASON Aesonis et Alcimedes, Clymenes filiae filius, [et] Thessalorum dux. ORPHEUS Oeagri et Calliopes Musae filius, Thrax |ex| urbe Pieria, quae est in Olympo monte ad flumen Enipeum, [mantis citharista]. ASTERION + Pyremi filius matre Antigona, Pheretis filia, ex urbe Pelinna. alii aiunt + Prisci filium |ex| urbe Piresia, quae est in radicibus Phyllei montis, qui est in Thessalia, quo loco duo flumina, Apidanus et Enipeus, separatim proiecta in unum conveniunt. POLYPHEMVS Elati filius matre Hippe Anthippi filia, Thessalus ex urbe Larissa, pedibus tardus. IPHICLUS Phylaci filius matre [Peri]clymene Minyae filia ex Thessalia avunculus Iasonis. ADMETVS Pheretis filius matre Periclymene Minyae filia ex Thessalia, monte C|h|alcodonio, unde oppidum et flumen nomen traxit. huius Apollinem pecus pavisse ferunt. ERYTVS et ECHION Mercurii et Antianirae, Meneti filiae, filii ex urbe Alope quae nunc vocatur Elp|hesus. quidam au|c|tores Thessalos putant. IAIETHALIDES Mercurii et Eupolemiae Myrmi donis filiae. filius [Hic fuit] Larissaesus. |CORONVS, Caenei filius ex| urbe Gyrtone, quae est in Thessalia. [Caeneus Elati filius Magnesius. hic ostendit nullo modo Centauros ferro se posse vulnerare sed truncis arborum in cuneum adactis. hunc nonnulli feminam fuisse dicunt, cui petenti Neptunum propter connubium optatum dedisse ut in iuvenilem speciem conversus nullo ictu interfici posset. quod est nunquam factum nec fieri potest, ut quisquam mortalis non posset ferro necari, aut ex muliere in virum converti.] MOPSVS Ampyci et Chloridis filius, ex Oechalia vel ut quidam putant Titarensis. hic augurio doctus ab Apolline. EVRYDAMAS Iri et Demonassae filius: alii aiunt Ctirneni filium, qui[a] iuxta lacum Xynium |Ctimenen| Dolopeidem urbem inhabitabat. MENOETIVS Actoris filius Opuntius. ERIBOTES Teleontis filius *. [ameleon]. EVRYTION Iri et Demonassae filius* [ixition]. OILEVS + Leodaci et +Agrianomes, Perseonis filiae, filius ex urbe Naryce. |CANTHVS Canethi filius| ab oppido Cerintho. alii aiunt ex Euboea. CLYTIVS et IPHITVS Euryti et Antiopes, Pylonis filiae, filii, reges Oechaliae. [hic concessa ab Apolline sagittarum scientia cum au|c|tore muneris contendisse dicitur.] [huius filius Clytius ab Aeeta interfectus est.] PELEVS et TELAMON Aeaci et Endeidos Chironis filiae filii ab Aegina insula. Qui ob caedem Phoci fratris relictis sedibus suis diversas petierunt domos: Peleus Phthiam, Telamon Salaminam, quam Apollonius Rhodius atthida neson vocat. BVTES Teleontis et Zeuxippes Eridani fluminis filiae filius ab Athenis. PHALEROS Alconis filius ab Athenis. |THESEUS Aegei et Aethrae Pitthei filiae a Trozene; alii aiunt ab Athenis. PIRITHOUS Ixionis filius frater centaurorum Thessalus| TIPHYS Phorbantis et Hyrmines filius Boe|o|tius. [is fuit gubernator navis Argo.] PHLIAS Liberi patris et Ariadnes Minois filiae filius ex urbe Phliunte, quae est in Peloponneso. alii aiunt Thebanum ***. HERCVLES Iovis et Alcumenae Electryonis filiae filius, Thebanus. HYLAS Thiodarnantis et Menodices nymphae Orionis filiae filius, eph[o]ebus ex Oechalia. alii aiunt ex Argis domitem Herculis. NAVPLIVS Neptuni et Amymones Danai filiae filius Argivus. IDMON Apollinis et Cyrenes nymphae filius, quidam Abantis dicunt, Argivus. hic augurio prudens. quamvis praedicentibus avibus mortem sibi denuntiari intellexit, fatali tamen militiae non defuit. CASTOR et POLLVX Iovis et Ledae Thestii filiae filii, Lacedaemonii, alii Spartanos dicunt. uterque imberbis. his eodem quoque tempore stellae in capitibus ut viderentur accidisse scribitur. LYNCEVS et IDAS Apharei et Arenae Oebali filiae filii, Messenii ex Pelopolnlneso. ex his Lynceus sub terra quaeque latentia vidisse dicitur [neque ulla caligne inhibebatur]. alii aiunt Lynceum noctu + nullum vidisse. [idem sub terra solitus cernere dictus est ideo, quod aurifodinas norat. is cum descendebat et aurum subito ostendebat, ita rumor sublatus eum sub terra solitum videre. item Idas acer, ferox.] PERICLYMENVS Nelei et Chloridis Amphionis et Niobes filiae. filius [hic fuit] Pylius. AMPHIDAMAS et CEPHEVS Alei et Cleobules filii de Arcadia. ANCAEVS Lycurgi filius, alii nepotem dicunt, Tegeates. thic fuit Arcas cursor, iaculator.| AVGEAS Solis et +Naupidames Amphidamantis filiae filius. [hic fuit] Eleus.| ASTERION et AMPHION Hyperasii filii alii aiunt Hiplplasi, ex Pellene. EVPEMVS Neptuni et Europes Tityi filiae filius. Taenarius. hic super aquas sicco pede cucurrisse dicitur. ANCAEVS alter Neptuni filius matre Althaea Thestii filia, ab Imbraso insula. quae Parthemia appellata est, nunc autem Samos dicitur. ERGINVS Neptuni filius a Mileto. quidam Periclymeni dicunt Orchomenius. MELEAGER Oenei et Alth|a|eae Thestii filiae filius, quidam Martis putant, Calydonius. LAOCOON Parthaonis filius, Oenei frater |non| ex eadem matre, Calydonius. IPHICLVS alter Thestii filius matre Leucippe Alth|a|eae frater, * PALAEMONIVS |Lerni filius Calydonius.| IPHITVS Nauboli filius Phocensis. alii Hippasi filium ex Pelopo|n|neso fuisse dicunt.] ZETES et CALAIS Aquilonis venti et Orithy|i|ae Erechthei filiae filii. [hi capita pedesque pennatos habuisse ferentur crinesque c|a|eruleos] qui pervio aere usi sunt. [hi aves harpy|i|as tres Thaumantis et + Ozomenes filias Aellopoda Celaeno Ocypeten fugaverunt a Phineo Agenoris filio eodem tempore, quo Iasoni comites ad Colchos proficiscebantur. quae inhabitabant insulas Strophadas in Aegaeo mari, quae Plotae appellantur. hae fuisse dicuntur capitibus gallinaceis pennatae alasque et brachia humana unguibus magnis pedibusque gallinaceis, pectus album f[o]eminaque humana *. hi autem, Zet[h]es et Calais, ab Hercule telis occisi sunt. quorum in tumulis superpositi lapides flatibus paternis moventur. hi autem ex Thracia fuisse dicuntur.] ACASTVS Peliae et Anaxibiae Biantis filiae filius ex Iolco duplici pallio coopertus. [hic voluntarius Argonautis accessit] sponte sua comes Iasonis. |ARGVS Polybi et Argiae filius. alii aiunt Danai filium. [Hic fuit] Argivus, pelle taurina + lanugine adopertus. [Is fuit fabricator navis Argo]. |Hi autem omnes Minyae sunt appellati, vel quod plurimos eorum filiae Minyae pepererunt, vel quod Iasonis mater Clymenes Minyae |filiae| filia erat. Sed neque Colchos omnes pervenerunt, neque in patriam regressum habuerunt. Hylas enim in Mysia a nymphis iuxta Cion flumenque Ascanium raptus est, quem dum Hercules et Polyphemus requirunt vento rapta navi deserti sunt. Polyphemus ab Hercule quoque relictus condita in Mysia civitate perit apud Chalybas. Tiphys autem morbo absumptus est in Mariandynis in Propontide apud Lycum regem, [pro quo navem rexit Colchos Ancaeus Neptuni filius.] Idmon autem Apollinis filius ibi apud Lycum stramentatum exisset ab apro percussus decidit. Butes Teleontis filius quamvis cantibus et cithara Orphei avocabatur, victus tamen est dulcedine Sirenum et nataturus ad eas in mare se praecipitavit. eum Venus delatum fluctibus Lilybaeo servavit. Hi sunt qui non pervenerunt Colchos. In reversione autem |hi| perierunt: Eribotes Teleontis filius et Cant|h|us Cerinthius |Canethi| filius interfecti sunt in Libya a pastore Cephalione Nasamonis fratre, filio Tritonidis nymphae et Amphit|h|emidis, cuius + fuste pecus depopulabantur. Mopsus autem Am|p|yci filius ab serpentis morsu in Africa obiit. [is autem in itinere accesserat comes Argonautis, Am|p|yco patre occiso.] Item accesserunt ex insula Aria Phrixi et Chalciopes Medeae sororis filii Argus Melas Phrontis Cytisorus. [ut] alii aiunt [vocitatos Phronius] Demoleon Autolycus Phlogius. quos Hercules cum eduxisset habiturus comites, dum Amazon|i|um balteum petit, reliquit terrore perculsos a Dascylo +qui regis Mansuaden filia. Hi autem cum exirent ad Colchos Herculem ducem facere voluerunt. ille abnuit, sed potius Iasonem fieri oportere cuius opera exirent omnes. dux ergo Iason regnavit. faber Argus Danai filius, |gubernator Tiphys| cuius post mortem rexit navem Ancaeus Neptuni filius. proreta navigavit Lynceus Apharei filius, qui multum videbat. toecharchi autem fuerunt Zetes et Calais Aquilonis filii qui pennas et in capite et in pedibus habuerunt. [ad proram et remos sederunt Peleus et T[h]elamon.] ad pitulum sederunt Hercules et Idas. post relicto [ab] Hercule loco eius sedit Peleus Aeaci filius. ceteri ordinem servaverunt. celeuna dixit Orpheus Oeagri filius. Haec est navis Argo quam Minerva in sideralem circulum retulit ob hoc quod ab se esset aedificata ac primum in pelagus deducta. Est haec navis in astris apparens a gubernaculo ad velum, cuius speciem ac formam Cicero in phaenomenis exponit his versibus: at canis ad caudam serpens praelabitur Argo conversam prae se portans cum lumine puppim, non aliae naves ut in alto ponere proras ante solent rostris neptunia prata secantes. sicut cum coeptant tutos contingere portus obvertunt navem magno cum pondere nautae a[d]versamque trahunt optata ad litora puppim, sic conversa vetus super aethera labitur Argo. inde gubernaclum tendens a puppe volante clari posteriora canis vestigia tangit. haec navis habet stellas in puppe quatuor in gubernaculo dextro quinque in sinistro quatuor, consimiles inter sese omnino tredecim. XV Lemniades In insula Lemmo mulieres Veneri sacra aliquot annos non fecerant, cuius ira viri earum Thressas uxores duxerunt et priores spreverunt. At Lemniades eiusdem Veneris impulsu coniuratae genus virorum omne quod ibi erat interfecerunt praeter Hypsipylen, quae patrem suum Thoantem clam in navem imposuit, quem tempestas in insulam Tauricam detulit. Interim Argonautae praenavigantes Lemmo accesserunt. quos ut vidit Iphinoe custos portae nunciavit Hypsipylae reginae, cui Polyxo aetate +constituta dedit consilium, ut eos laribus hospitalibus obligaret hospitioque invitaret. Hypsipyle ex Iasone procreavit filios Euneum et + Deiphilum. Lemniades autem, quaecunque ex Argonautis conceperunt, eorum nomina filiis suis imposuerunt. Ibi cum plures dies retenti essent ab Hercule obiurgati discesserunt. Lemniades autem, postquam |re|scierunt Hypsipylen patrem suum senasse, conatae sunt eam interficere. illa fugae se mandavit. hanc praedones exceptam + Thebas deportarunt et regi + Lyco in servitium vendiderunt. XVI Cyzicus Cyzicus * Eusori filius rex in insula Propontidis Ar gonautas hospitio liberali excepit. qui cum ab eo di scessissent totumque diem navigassent, nocte tempestate orta ad eandem insulam ignari delati sunt. quos Cyzicus hostes Pelasgicos arbitrans esse cum eis noctu in littore arma contulit et ab Iasone est interfectus. qui postero die cum prope littus appropinquasset et vidisset se regem interfecisse sepulturae eum dedit atque filiis regnum tradidit. XVII Amycus Amycus Neptuni et Melies filius Bebryciae rex, in huius regna qui venerat, caesti|bu|s cogebat secum contendere et devictos perdebat. hic cum Argonautas provocasset ad caestus, Pollux cum eo contendit et eum interfecit. XVIII Lycus Lycus rex insulae Propontidis Argonautas recepit hospitio in honorem eo quod Amycum interfecerant quod eum saepe insidiaretur. Argonautae dum apud Lycum morantur et stramentatum exissent Idrnon |Apollini|s filius ab apro percussus interiit. in cuius dum diutius sepultura mora|n|tur Iphis Phorbantis filius moritur. tunc Argonautae Ancaeo Neptuni filio navem Argo gubernandam dederunt. XVIIII Phineus Phineus Agenoris filius Thrax [ex Cleopatra habuit filios duos. hi a patre novercae crimine excaecati sunt. huic etiam Phineo Apollo augurium dicitur dedisse. hic] deorum consilia cum enunciaret ab Iove est excaecatus et apposuit ei Harpyias quae Iovis canes esse dicuntur quae escam ab ore eius auferrent. huc cum Argonautae devenissent et eum iter ut demonstraret rogarent, dixit se dernonstraturum si eum poema liberarent. Tunc Zetes et Calais Aquilonis venti et Orithyiae filii, qui pennas in capite et in pedibus habuisse dicuntur, Harpyias fugaverunt in insulas Strophadas et Phineum poena liberarunt. Ouibus monstravit quomodo symplegadas transirent: ut columbam mitterent in recessu earum, quam petrae cum concurrissent |si contudissent| illi retro refugerent, *. Argonautae beneficio Phinei symplegadas transierunt. XX Stymphalides Argonautae cum ad insulam Ariam venissent et aves ex pennis suis eos configerent pro sagittis cum multitudini avium resistere non possent ex Phinei monitu clyteos et hastas sumpserunt ex|que| more Curetum sonitu eas fugarunt. XXI Phrixi filii Argonautae cum per Cyaneas cautes, quae dicuntur petrae symplegades, intrassent mare quod dicitur Euxinum et errarent, voluntate Iunonis delati sunt aa insulam Ariam. ibi invenerunt naufragos nudos atque inopes Phrixi et Chalciopes filios Argum Phrontin Melam Cytisorum. qui cum casus suos exposuissent Iasoni, se cum ad avum festinarent Athamanta ire naufragio facto ibi esse eiectos |propinlquos Iason receptos auxilio iuvit. qui Iasonem Colchos perduxerunt per flumen Thermod[o]ontem. et cum iam non longe essent a Colchis iusserunt navem in occulto collocari et venerunt ad matrem Chalciopen Medeae sororem indicantque Iasonis beneficia et cur venisset. Tunc Chalciope de * Medea|e| indicat perducitque eam cum filiis suis ad Iasonem. quae cum eum vidisset, agnovit quem in somniis adamaverat Iunonis impulsu. omniaque ei pollicetur et perducunt eum ad templum. XXII Ae|e|ta Ae|e|tae Solis filio erat responsum, tamdiu eum regnum habiturum quamdiu ea pellis quam Phrixus consecraverat in fano Martis esset. Itaque Ae|elta Iasoni hanc simultatem constituit: si vellet pellem |in|auratam auf[f]erre, tauros aeripedes qui flammas naribus spirabant iungeret adamanteo iugo et araret dentesque draconis ex galea sereret, ex quibus gens armatorum statim enascere[n]tur et se mutuo interficeret. Iuno autem [Iasonem ob id semper voluit servatum. quod cum ad flumen * venisset volens hominum mentes tentare, anum se simulavit et rogavit ut se transferre|n|t. cum c[a]eteri qui transierant despexissent, ille transtulit eam: itaque] cum sciret Iasonem sine Medeae consilio imperata perficere non posse, petit a Venere ut Medeae amorem in[i]ceret. Iason a Medea Veneris impulsu amatus est. eius opera ab omni periculo liberatus est. nam cum tauris arasset et armati essent enati, Medeae monitu lapidem inter eos abiecit: illi inter se pugnantes alius alium interfecerunt. dracone autem venenis sopito pellem de fano sustulit in patriamque cum Medea est profectus. XXIII Absyrtus Ae[e]ta ut resciit Medeam cum Iasone profugisse, nave comparata misit Absyrtum filium cum satellitibus armatis ad eam persequendam. Qui cum in Adriatico mari in Histria eam +persecutus esset ad Alcinoum regem et vellent armis contendere, Alcinous se inter eos interposuit ne bellarent. quem iudicem sumpserunt. qui eos in posterum distulit. Qui cum tristior esset et interrogatus esset a coniuge Arete, quae causa esset tristitiae, dixit se iudicem sumptum a duabus diversis civitatibus +inter Colchos et Argivos]. Quem cum interrogaret Arete quidnam esset iudicaturus, respondit Alcinous: si virgo fuerit Medea parenti redditurum, sin autem mulier coniugi. Hoc cum audivit Arete a coniuge mittit nuncium ad Iasonem et is Medeam noctu in antro devirginavit. postero autem die cum ad iudicium venissent et Medea mulier esset inventa coniugi est tradit. Nihilominus cum profecti essent, Absyrtus timens patris praecepta persecutus est eos in insulam Minervae. Ibi cum sacrificaret Minervae Iason et Absyrtus intervenisset ab Iasone est interfectus. cuius corpus Medea sepulturae dedit, atque inde profecti sunt. Colchi qui cum Absyrto venerant timentes Ae|le|tam illic remanserunt op|p|idunque condiderunt quod ab Absyrti nomine Absorin appellarunt. Haec autem insula posita est in Histria contra Pola|m| iuncta insulae + Cantae. XXIIII [Iason.] Peliades Iason cum Peliae patrui sui iussu tot pericula adisset cogitare coepit, quomodo eum sine suspicione inter ficeret. hoc Medea se facturam pollicetur. Itaque cum iam |non| longe ab Iolco essent, navem iussit in occulto collocari et ipsa ad Peliae filias pro sacerdote Dianae venit: eis pollicetur se patrem earum Pelian ex sene iuvenem facturam. Id quia Alcestis maior filia negavit fieri posse, Medea quo facilius eam perduceret ad suam voluntatem caliginem eis obiecit et ex venenis multa miracula fecit, quae verisimilia esse viderentur, arietemque vetulum in aenum coniecit, unde agnus pulcherrimus prosiluisse visus est. eodemque modo [unde] Peliades, id est Alcestis Pelopia Medusa Pisidice Hippothoe, Medeae impulsu patrem suum occisum in aeno coxerunt. cum se deceptas esse viderent a patria profugerunt. at Iason signo a Medea accepto regia est potitus Acastoque Peliae filio fratri Peliadum, quod secum Colchos ierat, regnum paternum tradidit. ipse cum Medea Corinthum profectus est. XXV Medea Medea Ae|e|tae et Idy|i|ae filia cum ex Iasone iam filios Mermerum | et Pheretem procreasset summaque concordia viverent, obi|ciebatur ei hominem tam fortem ac formosum ac nobilem | uxorem advenam atque veneficam habere. huic Creon | Menoecei filius rex Corinthius filiam sgam minorem Glaucen dedit | uxorem. Medea cum vidit se, erga Iasonem bene merentem, tanta | contumelia esse affectam coronam ex venenis fecit auream eamque| muneri filios suos iussit novercae dare. Creusa munere ac|cepto cum Iasone et Creonte conflagravit. Medea ubi regiam | ardere vidit natos suos ex Iasone Mermerum et Pheretem inter|fecit et profugit Corintho. XXVI Medea exul Medea Corintho exgl Athenas ad Aegexm Pandionis | filium devenit in hospitism eique nupsit. ex eo natus est | Medus. Postea sacerdos Dianae Medeam exagitare coepit regique negabat sacra caste facere posse eo quod in ea civitate esset mulier venefica et scelerata. tunc iterum exulatur. Medea autem * iunctis draconibus ab Athenis Colchos redit: quae in itinere Absoridem venit ubi frater Absyrtus sepultus erat. ibi Absoritani serpentium multitudini resistere non poterant. Medea autem ab eis rogata lectas eas in tumulum fratris coniecit, quae adhuc ibi permanentes, si qua autem extra tumulum exit debitum naturae persolvit. XXVII Medus Persi Solis filio fratri Aeetae responsum fuit ab Aeetae progenie mortem cavereltl. Ad quem Medus | Aegei et Medeae filiusl dum matrem persequitur tempestate est delatus. qgem satellites comprehensum ad regem Persen perduxerunt. | Medus ut vidit se in inimici potestatem | venisse Hippoten Creontis filium se esse mentitus est. rex diligentius qu|a|erit et in crstodia|m| eum conici iussit. Ubi sterilitas et penuria frugum | dicitur fuisse. Qgo Medea in curru iunctis draconibus cum venisset, regi| se sacerdotem + Dianae ementia esset, dixit sterilitatem se expiare| posse: et cum a rege audisset Hippoten Creontis filium in custodia haberi | arbitrans eum patris iniuriam exequi venisse imprudens filium | prodidit. Nam regi persuadet eum Hippotes non esse sed Medum Aegei filium | a matre missum ut regerem interficeret, petitque ab eo ut interfici|endus sibi traderetur, existimans Hippoten esse. Itaqae Medus cum | productus esset ut mendacium morte puniret, ut illa aliter esse | vidit quam putavit, dixit se cum eo colloqui velle atque ensem | ei tradidit iussitque avi sui iniurias exequi. Medus re audita Persen interfecit regnumque avitum possedit. ex suo nomine terram Mediam cognominavit. XXVIII Otos et Ephialtes Otos et Ephialtes Aloei et Iphimedes + Neptuni filiae filii mira magnitudine dicuntur fuisse. hi [singuli] singulis mensibus novem digitis crescebant. itaque cum essent annorum novem in coelum ascendere sunt conati qui aditum sibi ita faciebant: montem enim Ossam super Pelion posuerunt, unde etiam Pelion Ossa mons appellatur, aliosque montes construebant. qui ab Apolline + nacti sunt interfecti. Alii autem auctores dicunt Neptuni et Iphimedes filios fuisse | atrotos. - Hi curm Dianam comprimere voluissent quae cum non posset viribus eorum | obsistere, Apollo inter eos cervam miiit, quam illi furore incensi dum volunt | iaculis interficere alius alium interfecerunt Qui ad inferos dicuntur | hanc poenam pati: ad columnam, aversi alter ab altero, serpentibus sunt deligati. + est styx inter, | columnam sedens ad quam sunt deligati XLVIIII Aesculapius Aesculapius Apollinis filius Glauco Minois filio vitam reddidisse [sive Hippolyto] dicitur. quem Iupiter ob id fulmine percussit. Apollo, quod Iovi nocere non potuit, eos qui fulmina fecerant, id est Cyclopes, interfecit. Quod ob factum Apollo datus est in servitutem Admeto regi Thessaliae. L Admetus Alcestim Peliae filiam cum complures in coniugium peterent et Pelias cum multos eorum repudiaret, simultatem his constituit [ei se daturum] qui feras bestias ad currum iunxisset, is quam vellet aveheret. Itaque Admetus ab Apolline petiit, ut se adiuvaret. Apollo cum ab eo esset liberaliter tractatus, cum in servitium fuit ei traditus, aprum et leonem ei iunctos tradidit, quibus ille Alcestim [in coniugium] avexit. LI Alcestis Alcestim Peliae et Anaxibies Biantis filiae filiam complures proci petebant in coniugium. Pelias vitans * eorum conditiones repudiavit, et simultatem constituit, ei se datarum qui feras bestias ad currum iunxisset et Alcestim in coniugio avexisset. Itaque Admetus ab Apolline petiit ut se adiuvaret. Apollo autem quod ab eo in servitutem liberaliter esset acceptus aprum et leonem ei iunctos tradidit, quibus ille Alcestim avexit. Et illud ab Apolline accepit, ut pro se alius voluntarie moreretur. pro quo cum neque pater neque mater mori voluissent, uxor se Alcestis obtulit et pro eo vicaria morte interiit. quam postea Hercules ab inferis revocavit. LII Aegina Iupiter cum Aeginam Asopi filiam vellet comprimere et Iunonem vereretur detulit eam in insulam Oenonen et gravidam fecit, unde natus est Aeacus. Hoc Iuno cum rescisset serpentem in aquam misit quae eam venenavit. ex qua qui biberat debitum naturae solvebat. Quod cum amissis sociis Aecus prae paucitate hominum morari non posset, formicas intuens petiit ab Iove, ut |tot| homines in praesidio sibi daret. tunc Iupiter formicas in homines transfiguravit qui Myrmidones sunt appellati, quod graece fomicae myrmeces dicuntur; insula autem Aeginae nomen possedit. LIII Asterie Iovis cum Asterien * Titanis filiam amaret, illa eum contempsit a quo in avem ortygem commutata est, quam nos coturnicem dicimus. eamque in mare abiecit et ex insula est enata, quae Ortygia est appellata. Haec mobilis fuit: quo postea Latona ab Aquilone vento delata est iussu Iovis tunc, cum eam Python pesequeretur; ibique oleam tenens Latona peperit Apollinem et Dianam. quae insula postea Delos est appellata. LIIII Thetis Thetidi Nereidi fatum fuit, qui ex ea natus esset fortiorem fore quam patrem. Hoc praeter Prometheum cum sciret nemo et Iovis vellet cum ea concumbere, Prometheus Iovi pollicetur se eum praemoniturum, si se vinculis liberasset. Itaque fide data monet Iovem, ne cum Thetide concumberet, ne si fortior nasceretur Iovem de regno deiiceret, quemadmodum et ipse Saturno fecerat. Itaque datur Thetis in coniungium Peleo Aeaci filio, et mittur Hercules, ut aquilam interficiat, quae eius cor exedebat; eaque interfecta Prometheus post trigint * annos de monte Caucaso est solutus. LV Tityus Latona quod cum Iove concubuerat, Iuno Tityo Terrae filio immani magnitudine iusserat, ut Latonae vim afferret. qui cum conatus esset a Iove fulmine est interfectus. qui novem iugeribus ad inferos exporrectus iacere dicitur, et serpens ei appositus est, qui iecur eius exesset, quod cum luna recrescit. LVI Busiris In Aegypto apud Busiridem Neptumi filium cum esset sterilitas et Aegyptus annis novem siccitate exaruisset, ex Graecia augures concavit. Phrasius * Pygmalionis fratris filius Busiridi monstravit, immolato hospite venturos imbres, promissisque fidem ipse immolatus exhibuit. LVII Stheneboea Bellerophon cum ad Proetum regem exul in hospitium venisset adamatus est ab uxore eius Stheneboea. qui cum concumbere cum ea noluisset, illa viro suo mentita est se ab eo compellatam. At Proetus re audita conscripsit tabellas de ea re et mittit eum ad Iobaten regem patrem Stheneboeae. quibus lectis talem virum interficere noluit sed ad Chimaeram eum interficiendum misit, quae tripartio |corpore| ore flammam spirae dicebatur. +idem 'prima leo postrema draco media ipsa chimaera'. hanc super Pegasum sedens interfecit et decidesse dicitur in campos Aleios. unde etiam coxas eiecisse dicitur. at rex virtutes eius laudans alteram filiam dedit ei in matrimonium. Stheneboea re audita ipsa se interfecit. LVIII Smyrna Smyrna Cinyrae Assyriorum regis et Cenchreidis filia. cuius mater Cenchreis superbius locuta quod filiae suae formam Veneri anteposuerat, Venus matris poenas exequens Smyrnae infandum amorem obiecit adeo ut patrem suum amaret. quae ne suspendio se necaret, nutrix intervenit. et patre nesciente per nutricem cum eo concubit, ex quo concepit: idque ne palam fieret pudore stimulata in silvis se abdit. cui|us| Venus postea miserta est et in speciem arboris eam commutavit, unde myrrha fluit. ex qua natus est Adonis, qui matris poenas a Venere est insecutus. LVIIII Phyllis Demophoon Thesei filius in Thraciam ad Phyllidem in hospitium dicitur venisse et ab ea esse amatus. Qui cum in patriam vellet redire fidem ei dedit se ad eam rediturum. qui die constituta cum non venisset, illa eo die dicitur novies ad littus cucurrisse quod ex eo ennea odoi Graece appellatur. Phyllis autem ob desiderium Demophoontis spiritum emisit. cui parentes cum sepulc[h]rum constituissent, arbores ibi sunt natae, quae certo tempore Phyllidis mortem lugent, quo folia arescunt et diffluunt. cuius ex nomine folia graece phylla sunt appellata. LX Sisyphus et Salmoneus Sisyphus et Salmoneus Aeoli filii inter se inimice fuere. Sisyphus petiit ab Apolline quomodo posset interficere inimicum id est fratrem. cui responsum fuit, si ex compressu Tyronis Salmonei fratris filiae procreasset liberos, fore ultores. quod cum Sisyphus fecisset, duo sunt filii nati, quos Tyro mater eorum sorte audita necavit. at Sisyphus ut resciit ** qui nunc dicitur saxum propter impietatem adversus montem ad inferos cervicibus volvere: quod cum ad summum verticem perduxerit, rursum deorsum post se revolvatur. LXI Salmoneus Salmoneus Aeoli filius Sisyphi frater cum tornitrua et fulmina imitaretur Iovis, sedens quadrigam faces ardentes in populum + mitteret et cives; ob id a Iove fulmine est ictus. LXII Ixion Ixion + Leontei filius conatus est Iunonem comprimere. Iuno Iovis iussu nubem supposuit. quam Ixion Iunonis simulac[h]rum esse credidit. ex ea nati sunt centauri. at Mercurius Iovis iussu Ixionem ad inferos in rota constrinxit quae ibi adhuc dicitur verti. LXIII Danae Danae Acrisii et Aganippes filia. huic fuit fatum, ut quod peperisset Acrisium interficeret. quod timens Acrisius eam in muro lapideo praeclusit: Iovis autem in imbrem aureum conversus cum Danae concubuit, ex quo compressu natus est Perseus. Quam pater ob stuprum inclusam in arca cum Perseo in mare deiecit. ea voluntate Iovis delata est in insulam Seriphum. quam piscator Dictys cum invenisset affracta vidit mulierem cum infante, quos ad regem Polydectem perduxit. qui eam in coniugio habuit et Perseum educavit in templo Minervae. Quod cum Aaisius rescisset, eos ad Polydectem morari, repetitum eos profectus est. quo[d] cum venisset, Polydectes pro eis deprecatus est: Perseus Acrisio avo suo fidem dedit se eum nunquam interfecturum. Qui cum tempestate retineretur, Polydectes moritur. cui cum funebres ludos facerent, Perseus disco misso, quem ventus distulit, in|fregit| caput Acrisii, et eum interfecit. ita quod voluntate sua noluit deorum factum est. sepulto autem eo Argos profectus est regnaque avita possedit. LXIIII Andromeda Cassiope filiae suae Andromedae formam Nereidibus anteposuit. ob id Neptunus expostulavit, ut Andromeda Cephei filia ceto obiceretur. Quae cum ‚sset obiecta Perseus Mercurii 'talaribus' volans eo dicitur venisse et eam liberasse a periculo. Quam cum abducere vellet, Cepheus pater cum Agenore, cuius sponsa fuit, Perseum clam interficere voluerunt. ille cognita re caput Gorgonis eis ostendit omnesque ab humana specie sunt informati in saxum. Perseus cum Andromeda in patriam redit. || Polydectes sive Proetus |ut| vidit Perseum tantam 'virtutem' habere, pertimuit eumque per dolum interficere voluit. qua re cognita Perseus caput Gorgonis ei ostendit et is ab humana specie est immutatus in lapidem. LXV Alcyone Ceyx Hesperi sive Luciferi et Philonidis filius cum in naufragio periiset Alcyone Aeoli et Aegiales filia uxor eius propter amorem ipsa se in mare praecipitavit. qui deorum misericordia ambo in aves sunt mutati, quae alcyones dicuntur. hae aves nidum ova pullos in mari 'septem' diebus faciunt 'hiberno tempore'. mare his diebus tranquillum est. quos dies nautae alcyonia appellant. XXVIIII Alcimena Amphitryon cum abesset ad expugnandam Oechaliam, Alcimena existimans | Iovem coniugem suum esse eum thalamis recepit. qui cum in thalamos | venisset et ei referret quae in Oechalia gessisset, ea credens | coniugem esse cum eo concubuit. qui tam libens cum ea concubuit, ut unum diem usurparet duas nortes con|geminaret, ita ut Alcimena tam longam noctem ammiraretur. | postea cum nunciaretur ei coniugem victorem adesse, minime curavit, | quod iam putabat se coniugem suum vidisse. qui cum [Amphitryon] in regiam | intrasset et eam videret neglegentius securam | mirari coepit et queri quod se advenientem non excepisset. cui Alcimena respondit: 'iam pridem venisti et mecum concubuisti et mihi narrasti quae in Oechalia gessissest'. Ouae cum signa omnia diceret, sensit Amphitryon numen aliquod f|ut|uisse pro se; ex qua die cum ea non concubuit. quae ex Iove compressa peperit Herculem. XXX Herculis athla XII ab Eurystheo imperata [Infans cum esset dracones duabus manibus necavit quos Iuno miserat, unde + primigenius est dictus.] Leonem Nemeum, quem Luna nutrierat, in antro + Amphriso atrotum necavit. cuius pellem pro tegumento habuit. Hydram Lernaeam Typhonis filiam cum capitibus novem ad fontem Lernaeum interfecit. haec tantam vim veneni habuit ut afflatu homines necaret; et si quis eam dormientem | transierat, vestigia eius afflabat, et malorum cruciata morie|batur. hanc Minerva monstrante interfecit et exenteravit | et eius felle sagittas suas tinxit: itaque quidquid postea sagittis fixe|rat mortem non effugiebat unde postea et ipse periit in Phryigia. Aprum Erymanthium occidit. Cervum [ferocem in Arcadia] cum cornibus aureis | vivum in conspectum Eurysthei regis adduxit. Aves Stymphalides in insula Martis quae emissis pennis suis iaculabantur sagittis | interfecit. Augiae regis [stercus] bolide uno die purgavit maiorem | partem Iove adiutore flumine * ammisso totum stercus abluit.| Taurum, cum quo Pasiphae concubuit, ex Creta insula Mycenas vivum | adduxit. Diomedem Thraciae regem et equos quattuor eius qui carne | humana vescebantur cum Abdero famulo interfecit. equorum autem nomi|na Podargus Lampon Xanthus Dinus. Hippolyten Amazonam Martis et Otrerae reginae filiam *. cui reginae [Amazonis] balteum detraxit. tum Antiopam captivam Thesco donavit. Geryonem Chrysaoris filium trimembrem uno telo interfecit. Draconem immanem Typhonis filium qui mala aurea Hesperidum servare solitus erat ad montem Atlantem interfecit et Eurystheo regi mala attulit. Canem Cerberum Typhonis filium ab inferis * regi in conspectum adduxit. XXXI Parerga eiusdem Antaeum Terrae filium in Libya occidit. hic cogebat hospites secum luctari et delassatos interficiebat. hunc luctando necavit. Busiridem in Aegypto qui hospites immolare solitus erat. huius legem cum audiit passus est se cum infula ad aram adduci. Busiris autem cum vellet deos imprecari, Hercules eum clava ac ministros sacrorum interfecit. Cygnum Martis filium armis superatum * occidit. quo cum Mars venisset et armis propter filium contendere vellet cum eo, Iovis inter eos fulmen misit atque ita eos distraxit. Cetum cui Hesione fuit apposita Troiae occidit. Laomedontem patrem Hesiones quod eam non reddebat sagittis interfecit. Aethonem aquilam quae Prometheo cor exedebat sagittis interfecit. [lycum Neptuni filium, quod Megaram Creontis filiam uxorem eius et filios Therimachum et + Ophiten occidere voluit, interfecit.] Acheloes fluvius in omnes figuras se immutabat. hic cum Hercule propter Deianirae coniugium cum pugnaret in taurum se convertit, cui Hercules cornu detraxit. quod cornu Hesperidibus sive nymphis donavit, quod eae pomis replerunt et cornu copiae appellarunt. [Neleum Hippocoontis filium cum decem filiis occidit, quoniam is eum purgare [sive lustrare] noluit tunc cum Megaram Creontis filiam uxorem suam et filios Therimachum et + Ophiten interfecerat. Eurytum quod Iolen filiam eius in coniugium petiit et ille eum repudiavit occidit. Centaurum Nessum quod Deianiram violare voluit occidit. Eurytionem centaurum quod Deianiram Dexameni filiam speratam suam uxorem petiit occidit.] XXXII Megara Hercules cum ad canem tricipitem esset missus ab Eurystheo rege et Lycus Neptuni filius putasset eum periisse, Megaram Creontis filiam uxorem eius et filios Therimachum et Diopithen interficere voluit et regnum occupare. Hercules eo intervenit et Lycum interfecit. postea ab Iunone insania obiecta Megaram et filios Therimachum et Diopithen interfecit. Postquam suae mentis compos est factus ab Apolline petiit dari sibi responsum quomodo scelus purgaret. Cui Apollo sortem quod reddere noluit, Hercules iratus de fano eius tripodem sustulit, (quem postea Iovis iussu reddidit) et nolentem sortem dare iussit. Hercules ob id a Mercurio Omphalae reginae in servitutem datus est. XXXIII Centauri Hercules cum in hospitium ad Dexamenum regem venisset eiusque filiam Deianiram devirginasset fidemque dedisset se eam uxorem ducturum, post discessum eius Eurytion Ixionis et Nubis filius centaurus petit Deianiram uxorem. cuius pater vim timens pollicitus est se daturum. die constituto venit cum fratribus ad nuptias. Hercules intervenit et Centaurum interfecit, suam speratam abduxit. [Item, aliis in nuptiis. Pirithous Hippodamiam Adrasti filiam cum uxorem duceret, vino pleni Centauri conati sunt rapere uxores Lapithis. eos centauri multos interfecerunt, ab ipsis * interierunt.] XXXIIII Nessus Nessus Ixionis et Nubis filius Centaurus rogatus ab Deianira ut se flumen Euenum transferret + quam * sublatam in flumine ipso violare voluit. Hoc Hercules cum intervenisset et Deianara eius fidem implorasset Nessum sagittis conhxit. Ille moriens, cum sciret sagittas hydrae Lernaeae felle tinctas quantam vim haberent veneni, sanguinem suum exceptum Deianirae dedit et id philtrum esse dixit: si vellet ne se coniunx sperneret, eo iuberet vestem eius perungi. id Deianira credens conditum diligenter servavit. XXXV Iole Hercules cum Iolen Euryti filiam in coniugium petiisset |et| ille eum repudiasset Oechaliam expugnavit. qui ut a virgine rogatur parentes eius coram ea interficere velle coepit. illa animo pertinacior parentes suos | ante se necari est perpessa. quos omnes cum interfecisset Iolen captivam ad | Deianiram praemisit. XXXVI Deianira Deianira Oenei filia Herculis uxor cum vidit Iolen virginem capti|vam eximiae formae esse adduscam verita est ne se coniugio priva|ret. itaque memor Nessei praecepti, vestem tinctam centauri sanguine Herculi qui ferret, nomine Licham famulum misit. | inde paulum, quod in terra|m| deciderat et id sol attigit, ar|dere coepit. Quod Deianira ut vidit, aliter esse ac Nessus dixerat | intellexit et qui revocaret eum cui vestem dederat misit. Quam Hercules iam induerat statimque flagrare coepit. qui cum se in flumen coniecisset ut ardorem exstingueret maior flamma exibat, demere autem cum vellet viscera sequebantur. Tunc Hercules Licham qui vestem attulerat 'rotatum' in mare iaculatus est, qui quo loco cecidit petra nata est quae Lichas appellatur. Tunc dicitur Philoctetes Poeantis filius pyram in monte Oetaeo construxisse Herculi eumque accendisse mortalitatem. ob id beneficium Philocteti Hercules arcus et sagittas donavit. Deianira autem ob factum Herculis ipsa se interfecit. XXXVII Aethra Neptunus et Aegeus Pandionis filius in fano Minervae cum Aethra Pitthei filia una nocte concubuerint. Neptunus quod ex ea natum esset Aegeo concessit. Is autem postquam a Troezene Athenas redibat ensem suum sub lapide posuit et praecepit Aethrae, ut tunc eum ad se mitteret cum posset eum lapidem allevare et gladium patris tollere. ibi fore indicium cognitionis filii. Itaque postea Aethra peperit Theseum. Qui ad puberem aetatem cum pervenisset, mater praecepta Aegei indicat ei lapidemque ostendit ut ensem tolleret, et iubet eum Athenas ad Aegeum proficisci * eosque qui itinera infestabant[ur] omnes occidit. XXXVIII Thesei labores Corynetem * armis occidit. Pityocamptem |Neptuni filium|. qui iter | gradientes cogebat, ut secum arborem pinum ad terram | fecterent. quam qui cum eo prenderat ille eam viribus missam faciebat: ita ad terram graviter elidebatur et periebat. hunc interfecit. Procrustem Neptuni filium. ad hunc hospes cum venisset si longior erat minori lecto proposito reliquam corporis partem praecidebat, sin autem brevior statura erat lecto longiori dato incudibus suppositis extendebat eum usque dum lecti longitudinem aequaret. hunc interfecit. Scironem. qui ad mare loco quodam praerupto sedebat et, qui iter gradiebatur, cogebat eum sibi pedes lavare et ita in mare praecipitabat. hunc Theseus pari leto in mare deiecit, ex quo Scironis petrae sunt dictae. Cercyonem Vulcani filium armis occidit. Aprum qui fuit Cremmyone interfecit. Taurum qui fuit Marathone, quem Hercules a Creta ad Eurystheum adduxerat, occidit. Minotaurum oppido Gnosi occidit. XXXVIIII Daedalus Daedalus Eupalami filius, qui fabricam a Minena dicitur accepisse, Perdicem sororis suae filium propter artificii invidiam, quod is primum serram invenerat, summo tecto deiecit. ob id scelus in exilium ab Athenis Cretam ad regem Minoem abiit. XXXX Pasiphae Pasiphae Solis filia uxor Minois sacra deae Veneri[s] per aliquot annos non fecerat. ob id Venus amorem infandum illi obiecit, ut taurum illa amaret. In hoc Daedalus exul cum venisset, petiit ab eo auxilium. is ei vaccam ligneam fecit et verae vaccae corium induxit, in qua illa cum tauro |quem ipsa amabat| concubuit. ex quo compressu Minotaurum peperit capite bubulo parte inferiore humana. tunc Daedalus Minotauro labyrinthum inextricabili exitu fecit in quo est conclusus. Minos re cognita Daedalum in custodiam coniecit. at Pasiphae eum vinculis liberavit. Itaque Daedalus pennas sibi et Icaro filio suo fecit et accomodavit et inde avolarunt. Icarus altius volans, a sole cera calefacta, decidit in mare quod ex eo Icarium pelagus est appellatum. Daedalus pervo lavit ad regem Cocalum in Siciliam. - Alii dicunt Theseus cum Minotaurum occidit Daedalum Athenas in patriam suam reduxit. XXXXI Minos Minos Iovis et Europae filius cum Atheniensibus belligeravit, cuius filius Androgeus in pugna est occisus. qui posteaquam Athenienses vicit, vectigal Minois esse coeperunt. instituit autem ut anno unoquoque septenos liberos suos Minotauro ad epulandum mitterent. Theseus posteaquam a Troezene venerat et audiit quanta calamitate civitas afficeretur voluntarie se ad Minotaurum pollicitus est ire. quem pater cum mitteret praedixit ei ut si victor reverteretur vela candida in navem haberet: qui autem ad Minotaurum mittebantur velis atris navigabant. XXXXII Theseus apud Minotaurum Theseus posteaquam Cretam venit ab Ariadne Minois filia est admatus, adeo ut frattrem proderet et hospitem servaret: ea enim Theseo monstravit labyrinthi exitum. quo Theseus cum introisset et Minotaurom interfecisset Ariadnes monitu licium revolvendo foras est egressus, eamque quod fidem illi dederat in coniugio secum habiturus avexit. XXXXIII Ariadne Theseus in insula Dia tempestate retentus cogitans si Ariadnen in patriam portasset sibi opprobrium futurum, itaque in insula Dia dormientem reliquit. quam Liber amans inde sibi in coniugium abduxit. Theseus autem cum navigaret oblitus est vela atra mutare: itaque Aegeus pater eius credens Theseum a Minotauro esse consumptum in mare se praecipitavit, ex quo Aegeum pelagus est dictum. Ariadnes autem sororem Phaedram Theseus duxit in coniugium. XXXXIIII Cocalus Minos quod Daedali opera multa sibi incommoda acciderant in Siciliam est eum persecutus petiitque a rege Cocalo ut sibi redderetur. cui cum Cocalus promisisset et Daedalus rescisset ab regis filiabus auxilium petiit. illae Minoem occiderunt. XXXXV Philomela Tereus Martis filius Thrax cum Prognen Pandionis filiam in coniugium haberet, Athenas ad Pandionem socerum venit rogatum, ut Philomelam alteram filiam sibi in coniugium daret: Prognen suum diem obisse dicit. Pandion ei veniam dedit Philomelamque et custodes cum ea misit: quos Tereus in mare iecit Philomelamque invitam in monte * compressit. Postquam autem in Thraciam redit Philomelam mandat ad Lynceum regem, cuius uxor + Laethusa quod Prognae fuit familiaris statim pellicem |Terei| ad eam deduxit. Progne cognita |re cum| sorore impium facinus pari consilio machinari coeperunt |et| regi talem gratiam referre. Interim Tereo ostendebatur in prodigiis Ity filio eius mortem a propinqua manu adesse. quo responso audito cum arbitraretur Dryantem fratrem suum filio suo mortem machinari fratrem Dryantem insontem occidit. Progne autem filium Itym ex se et Tereo natum occidit patrique in epulis apposuit et cum sorore profugit. Tereus facinore cognito fugientes cum insequeretur, deorum misericordia factum est, ut Progne in hirundinem commutaretur, Philomela in lusciniam: Tereum autem accipitrem factum dicunt. XXXXVI Erechtheus Erechtheus Pandionis filius habuit filias quatuor, quae inter se coniurarunt: si una earum mortem obisset, c[a]eteare se interficerent. In eo tempore Eumolpus Neptuni filius Athenas venit oppugnaturus, quod patris sui terram Atticam fuisse diceret. is victus cum exercitu cum esset ab Atheniensibus interfectus, Neptunus, ne filii sui morte Erechtheus laetaretur, expostulavit ut eius filia Neptuno immolaretur. itaque Chthonia filia cum esset immolata, c[a]eterae fide data se ipsae interfecerunt. ipse Erechtheus ab Iove Neptuni rogatu fulmine est ictus. XXXXVII Hippolytus Phaedra Minois filia Thesei uxor Hippolytum privignum suum adamavit. Quem cum non potuisset ad suam perducere voluntatem tabellas scriptas ad virum suum misit se ab Hippolyto compressam esse seque ipsa suspendio necavit. [et] Theseus re audita filium suum moenibus excedere iussit et optavit a Neptuno patre filio suo exitium. Itaque cum Hippolytus equis iunctis veheretur, repente e mari taurus apparuit, cuius magitu equi expavefacti Hippolytum distraxerunt vitaque privarunt. XXXXVIII Reges Atheniensium Cecrops Terrae filius Cephalus Deionis filius Erichthonius Vulcani filius Aegeus Pandionis filius Pandion Erichthonii filius Theseus Aegei filius Erechtheus Pandionis filius Demophon Thesei filius LXVI Laius Laio Labdaci filio ab Apolline erat responsum, de filii sui manu mortem ut caverat. Itaque Iocasta Menoecei filia uxor eius cum peperisset, iussit exponi. Hunc Periboea regis uxor cum vestem ad mare lavaret expositum sustulit Polybo sciente. |quem| quod orbi erant liberis pro suo educaverunt eumque quod pedes transiectos haberet Oedipum nominaverunt. LXVII Oedipus Postquam Oedipus Lai et Iocastes filius ad puberem aetatem pervenit, fortissimus praeter c[a]eteros erat, eique per invidiam aequales obiiciebant, eum subditum esse Polybo, eo quod Polybus tam clemens esset et ille impudens. quod Oedipus sensit non falso sibi obiici. itaque Delphos est profectus sciscitatum de .....in prodigiis ostendebatur, mortem ei adesse de nati manu. idem cum Delphos iret, obviam ei Oedipus venit. quem satellites cum viam regi dari iuberent, neglexit. rex equos immisit et rota pedem eius oppressit: Oedipus iratus inscius patrem suum de curru detraxit et occidit. Laio occiso Creon Menoecei filius regnum occupavit. Interim Sphinx Typhonis in Boeotiam est missa, quae agros Thebanorum vexabat. ea regi Creonti simultatem constituit, si carmen quod posuisset aliquis interpretatus esset, se inde abire: si autem datum carmen non solvisset, eum se consumpturam dixit, neque aliter de finibus excessuram. Rex re audita per Graeciam edixit, qui Sphingae carmen solvisset, regnum se et Iocasten sororem ei in coniugium daturum promisit. cum plures 'regni | cupidine' venissent et a Sphinge essent consumpti, Oedipus | Lai filius venit et carmen est interpretatus. illa se prae|cipitavit: Oedipus regnum paternum et Iocastem matrem | inscius accepit uxorem ex qua procreavit Eteoclen et Poly|nicen Antigonam et Ismenen. [Interim Thebis steril¡tas frugum et penuria + incidit ob Oedipodis scelera, interrogatusque Tiresias quid ita Thebae vexarentur respondit: si quis ex Draconteo genere superesset et pro patria interiisset * pestilentia liberaturum. tum Menoeceus Iocastae pater se de muris praecipitavit.] Dum haec Thebis gerentur Corintho Polybus decedit. quo audito Oedipus moleste ferre coepit existimans patrem suum obisse. cui Periboea de eius suppositione palam fecit. + id itemales senex qui eum ex|posuerat ex pedum cicatricibus et talorum agnovit Lai filium esse. | Oedipus re audita postquam vidit se tot scelera nefaria fecisse ex veste matris fibulas detraxit et se luminibus privavit regnumque filiis suis alternis annis tradidit et a Thebis Antigona filia duce profugit. LXXIb Polynices Oedipodis filius anno peracto regnum ab Et[h]eocle fratre * Adrasto Talai filio adiutore repetit cum septem ductoribus, et Thebas oppugnarunt. Ibi Adrastus beneficio equi profugit *. Capaneus contra Iovis voluntatem Thebas se capturum dixit, et cum murum ascenderet fulmine ab Iove est percussus. Amphiaraus cum quadriga terra est devoratus. Etecles et Polynices inter se pugnantes alius alium interfecerunt His inferiae communes cum fiunt Thebis, fumus separatur, quod alius alium interfecerunt. [reliqui perierunt.] Polynices LXVIII Polynices Oedipodis filius anno peracto regnum ab Eteocle fratre* repetit: ille cedere noluit. itaque Polynices Adrasto rege adiuvante cum septem ductoribus Thebas oppugnatum venit. [Ibi * Capaneus quod contra Iovis voluntatem Thebas se capturum diceret cum murum ascenderet, fulmine * est percussus. Amphiaraus * terra est devoratus. Eteocles et Polynices inter se pugnantes alius alium interfecerunt. His cum Thebis parenta[re]tur etsi ventus vehemens es[se]t, tamen fumus se nunquam in unam partem convertit, sed alius alio seducitur. C[a]eteri] cum Thebas oppugnarent et Thebani rebus suis diffiderent, Tiresias Eueris filius augur praemonuit, si ex dracontea progenie aliquis interiisset, oppidum ea clade liberari. Menoeceus cum vidit se unum civium salutem posse redimere |de| muro se praecipitavit. Thebani victoria sunt potiti. LXXII Antigona Creon Menoecei filius edixit ne quis Polynicen aut qui una venerunt sepulturae traderet, quod patriam oppugnatum venerint. Antigona soror et Argia coniunx clam noctu Polynicis corpus sublatum in eadem pyra qua Eteocles sepultus est imposuerunt. quae cum a custodibus deprehensae essent Argia profugit, Antigona ad regem est perducta. ille eam IIaemoni filio cuius sponsa fuerat dedit interficiendam. Haemon amore captus patris imperium neglexit et Antigonam ad pastores demandavit, ementitusque est se eam interfecisse. Quae cum procreasset et ad puberem aetatem venisset, Thebas ad ludos venit. hunc Creon rex, quod ex draconteo genere omnes in corpore insigne habebant, cognovit. cum Hercules pro Haemone deprecaretur ut ei ignosceret non impetravit. Haemon se et Antigonam coniugem interfecit. at Creon Megaram filiam suam Herculi dedit in coniungium: ex qua nati sunt Therimachus et Diopithes. LXVIIII Adrastus Adrasto Talai et Eurynomes filio responsum ab Apolline fuit, eum filias suas Argiam et Deipylam apro et leoni daturum in coniugium. [Sub eodem tempore Polynices Oedipodis filius expulsus ab Eteocle f ratre ad Adrastum devenit et Tydeus simul Oenei e, Periboeae captivae filius a patre, quod fratrem Menalippum in venatione occiderat [fere sub eodem tempore venit.]] Quod cum satellites Adrasto nuns:iassent duos iuvenes iucognita veste venisse unus enim aprinea pelle opertus alter leonina tunc Adrastus memore sortium suarum iubet eos ad se perduci atque [ita] interrogavit quid ita hoc cultu in regna sua venissent. Cui Polynices mdicat se a Thebis [venisse et iccirco se pellem leoninam operuisse quod Hercules a Thebis] genus ducere[t] et insignia gentis suae secum portareCt.] Tydeus autem dicit se Oenei filium esse et a Calydone genus ducere [ideo pelle aprinea se opertum significans aprum Calydonium.] Tunc rex responsi memor Argiam maiorem dat Polynici ex qua nascitur Thersander, Deipylam minorem dat Tydeo ex qua nascitur Diomedes qui apud Troiam pugnavit. At Polymces rogat Adrastum, ut sibi exercitum commodaret ad paternum regnum recuperandum a fratre: cui Adrastus non tantum exercitum dedit, sed etiam ipse cum aliis * ducibus profectus est, quoniam Thebae septem portis claudebantur. Amphion enim qui Thebas muro cinxit septem filiarum + nomine portas constituit. [hae autem fuerunt: Thera Cleodoxe Astynome Astycratia Chias Ogygia Chloris.] LXX Reges septem Thebas profecti Adrastus Talai filius Capaneus Hip|p|onoi filius ex Astynome Talai filia sorore Adrasti Argivus ex Eurynome Iphiti filia Argivus Amphiaraus Oeclei |filius| vel ut alii au|c|tores dicunt Apollinis Polynices Oedipodis filius ex Iocasta Menoecei filia Thebanus Tydeus Oenei filius ex Periboea captiva Calydonius ex Hyperm|n|estra Thestii filia Pylius Hippomedon |M|nesimachi filius ex + Mythidice Talai filia sorore Adrasti Argivus Parthenopaeus Meleagri filius ex Atalanta Iasii filia ex monte Parthenio Arcas Hi omnes duces apud Thebas perierunt praeter Adrastum Talai filium: is enim equi beneficio ereptus est. qui postea filios eorum armatos ad Thebas expugnandas misit ut iniurias paternas vindicarent eo quod insepulti iacuerant Creontis iussu, qui Thebas occuparat, fratris Iocastes. LXXIa Septem epigoni id est filii Aegialeus Adrasti filius ex Demo[a]nassa Argiws. hic solus periit ex septem, qui exierant: quia pater ex |septem s|uperaverat pro patre vicariam vitam dedit. Ceteri sex victores redierunt: Thersander Polynicis filius ex Argia Adrasti filia Argivus * * Alcmaeon Amphiarai filius ex Eriphyle Talai filia Argivus, Polydorus Hippomedontis filius ex Euanippe Elati filia Argivus, + Thesimenes Parthenopaei filius ex Clymene nympha Nysius. LXXIII Amphiaraus Eriphyla et Alcmaeon Amphiaraus Oeclei et Hyperm|n|estrae Thestii filiae filius augur, qui sciret si ad Thebas oppugnatum isset se inde non rediturum, itaque celavit se conscia Eriphyle coniuge sua Talai filia. Adrastus autem ut eum investigaret monile aureum ex gemmis fecit et muneri dedit sorori suae Eriphylae, quae doni cupida coniugem prodidit. Amphiaraus Alcmaeoni filio suo praecepit, ut post suam mortem poenas a matre exequeretur. qui postquam apud Thebas terra est devoratus, Alcmaeon memor patris praecepti Eriphylen matrem suam interfecit. quem postea furiae exagitarunt. LXXIIII Hypsipyle Septem ductores qui Thebas oppugnatum ibant devenerunt in Nemeam, ubi Hypsipyle Thoantis filia in servitute puerum Archemorum sive Ophelten Lyci regis filium nutriebat. cui responsum erat, ne in terra puerum deponeret, antequam posset ambulare. ergo ductores septem, qui Thebas ibant, aquam quarentes devenerunt ad Hypsipylen eamque rogaverunt, ut eis aquam demonstraret. illa timens puerum in terram deponere apium altissimum + erat ad fontem, in quo puerum deposuit. quae dum aquam eis tradit, draco fontis custos puerum exedit. at draconem Adrastus et c[a]eteri occiderunt et Lycum pro Hypsipyle deprecati sunt ludosque puero funebres instituerunt, qui quinto quoque anno fiunt, in quibus victores apicam coronam accipiunt. LXXV Tiresias In monte Cyllenio Tiresias Eueris filius pastor dracones venerantes dicitur baculo percussisse alias calcasse. ob id in mulieris figuram est conversus. postea monitus a sortibus in eodem loco dracones cum calcasset redit in pristinam speciem. eodem tempore inter Iovem et Iunonem fuit iocosa altercatio, quis magis de re venerea voluptatem caperet, masculus an f[o]emina: de qua re Tiresiam iudicem sumpserunt qui utrumque erat [sexuml expertus. is cum secundum Iovem iudicasset, Iuno irata + manu aversa eum excaecavit. at Iovis ob id fecit ut septem aetates viveret vatesque praeter c[a]eteros mortale |veracissimus| esset. LXXVI Reges Thebanorum Cadmus Agenoris filius Polydorus Cadmi Pentheus Echionis *Lycus Neptuni Labdacus Polydori Zet(h)us Iovis Amphion Iovis Laius Labdaci Creon Menoecei Oedipus Lai Polynices Oedipi Et[h]eocles Oedipi LXXVII Leda Iupiter Ledam Thestii filiam in cygnum conversus ad flumen Eurotam + compressit et ex eo peperit Pollucem et Helenam; ex Tyndareo autem Castorem et Clytemnestram. LXXVII Tyndareus Tyndareus Oebali filius ex Leda Thestii filia procreavit Clytemnestram et Helenam. Clytemnestram Agamemnoi Atrei filio dedit l… in coniungium. Helenam propter formae dignitatem complures ex civitatibus in coniungium proci petebant. Tyndareus cum + repudiaret filiam suam Clytemnestram ab Agamemnone vereretur timeretque ne quid ex ea re discordiae nasceretur monitus ab Ulixe iureiurando eos obligavit et linl arbitrio Helenae posuit, ut cui vellet nubere coronam imponeret. Menelao imposuit. [ut] cui Tyndareus eam dedit uxorem regnumque moriens Menelao tradidit. LXXXIX Helena Theseus Aegei et Aethrae Pitthei filiae filius cum Pirithoo Ixionis filio Helenam Tyndarei et Ledae filiam virginem de fano Dianae sacrificantem rapuerunt et detulerunt Aphidnas in pagum Atticae regionis. - Quod Iovis eos cum vidisset tantam audaciam habere, ut se ipsi ad periculum offerrent, in quiete eis imperavit, ut peterent ambo a Plutone Pirithoo Proserpinam in coniungium. qui cum per + insulam Taenariam ad inferos descendissent et de qua re venissent indicarent Plutoni, a furiis strati diuque lacerati sunt. quo Hercules ad canem tricipitem ducendum cum venisset, illi fidem eius implorarunt. qui a Plutone impetravit eosque incolumes eduxit.- Ad Helenam * Castor et Pollux fratres belligerarunt et Aethram Thesei matrem et + Phisadiem Pirithoi sororem ceperunt et in servitutem sorori dederunt. LXXX Castor Idas et Lynceus Apharei filii ex Messenis habuerunt sponsas Phoeben et |Hi|lairam Leucippi filias. hae autem formosissimae virgines cum essent et esset Phoebe sacerdos Minervae |Hi|laire Dianae, Castor et Pollux amore incensi eas rapuerunt. Illi amissis sponsis arma tulerunt, si possent eas recuperare. Castor Lynceum in praelio interfecit. Idas amisso fratre omisit bellum et [sponsam] coepit fratrem sepelire. cum ossa eius collocaret in pila, intervenit Castor et prohibere coepit monumentum fieri, quod diceret se eum quasi f[o]eminam superasse: Idas indignans gladio quo cinctus erat Castori inguina traiecit. Alii dicunt, quemadmodum aedificabat pilam, super Castorem impulisse et sic interfectum. Quod cum annunciasset Polluci, accurrit et Idam uno praelio superavit corpusque fratris recuperatum sepulturae dedit. Cum autem ipse stellam ab Iove accepisset et fratri non esset data, ideo quod diceret Iovis, Castorem semine Tyndarei et Clytemnestram natos, ipsum autem et Helenam Iovis esse filios, tunc deprecatus Pollux ut liceret ei munus suum cum fratre communicare. cui permisit, ideoque dicitur 'alterna morte redemptus'. Unde etiam Romani servant institutum: cum desultorem mittunt, unus duos equos habet, pileum in capite, |de| equo in equum transilit, quod ille sua et fratris vice fungatur. LXXXI Proci Helenae Antilochus Ascalaphus Aix Oileus Anti|phus Amphi|machus + Aecaeus + Blanirus Agapenor Aiax Telamonius Clonius Guneus Menelaus Patroclus Diomedes Peneleus + Phemius Nireus Polypoetes Elephenor Eumelus Sthenelus Tlepolemus Protesilaus Podalirius Eurypylus Idomeneus Te|ucer| Leonteus Thalpius Polyxenus Prothous Menestheus Machaon Thoas Ulysses Phidippus Meriones Philoctetes. |alios| alii auctores. LXXXII Tantalus Tantulus Iovis et Plutonis filius procreavit ex Dione Pelopem. - Iupiter Tantalo concredere sua consilia solitus erat et ad epulum deorum admittere: quae Tantalus ad homines renunciavit. ob id dicitur ad inferos in aqua media fine corporis stare semperque sitire et cum haustum aquae vult sumere aquam recedere. Item poma ei super caput pendent, quae cum vult sumere rami vento moti recedunt. Item saxum super caput eius ingens pendet, quod semper timet ne super se ruat. LXXXIII Pelops Pelops Tantali et Diones Atlantis filiae filius cum esset in epulis deorum a Tantalo caesus, brachium eius Ceres consumpsit. qui a deorum numine vitam recepit. cui cum c[a]etera membra ut fuerant coissent, humero non perpetuo, eburneum eius loco Ceres aptavit. LXXXIIII Oenomaus Oenomaus Martis et Asteropes |Atlantis| filiae filius habuit in coniugio Euareten Acrisii filiam, ex qua procreavit Hippodamiam virginem eximiae formae, quam nulli ideo dabat in coniungium, quod sibi responsum fuit a genero mortem cavere|t|. itaque cum complures eam peterent m coniungium simultatem constituit, se ei daturum, qui secum quadrigis certasset victorque exisset (quod is equos Aquilone velociores habuit), victus autem interficerentur. multis interfectis novissime Pelops Tantali filius cum venisset et capita humana super valvas fixa vidisset eorum qui Hippodamiam in uxorem petierant, poenitere [eum] coepit regis crudelitatem timens. itaque Myrtilo aurigae eius persuasit regnumque ei dimidium pollicetur si se adiuvaret. fide data Myrtilus currum iunxit et clavos in rotas non coniecit: itaque equis incitatis, currum defectum Oenomai equi distraxerunt. Pelops cum Hippodamia et Myrtilo domum victor cum rediret cogitavit sibi opprobrium futurum et Myrtilo fidem praestare noluit eumque in mare praecipitavit, a quo Myrtoum pelagus est appellatum. Hippodamiam in patriam abduxit suam, quod Peloponnesum appellatur. ibi ex Hippodamia procreavit Hippalcum Atreum Thyesten. LXXXV Chrysippus Laius Labdaci filius Chrysippum Pelopis filium + natum propter formae dinitatem Nemenae ludis rapuit. quem ab eo Pelops bello recuperavit. Hunc Atreus et Thyestes matris Hippodamiae impulsu interfecerunt. Pelops cum Hippodamiam argueret, ipsa se interfecit. LXXXVI Pelopidae Thyestes Pelopis et Hippodamiae filius quod cum Aeropa Atrei uxore concubuit a fratre Atreo de regno est eiectus. At is Atrei filium Plisthenem, quem pro suo educaverat, ad Atreum interficiendum misit: quem Atreus credens fratris filium esse imprudens filium suum occidit. [LXXXVII Aegisthus Thyesti Pelopis et Hippodamiae filio responsum fuit, quem ex filia sua Pelopia procreasset eum fratris fore ultorem. quod cum audisset * puer est natus quem Pelopia exposuit. quem inventum pastores caprae subdiderunt ad nutriendum. Aegisthus est appellatus ideo quod graece capra + aega appellatur.] LXXXVIII Atreus Atreus Pelopis et Hippodamiae filius cupiens a Thyeste fratre suo iniurias exequi in gratiam cum eo rediit et in regnum suum eum reduxit, filiosque eius infantes Tantalum et Plisthenem occidit et |lin| epulis Thyesti opposuit. qui cum vesceretur, Atreus imperavit brachia et ora puerorum afferri. ob id scelus etiam Sol currum avertit. Thyestes scelere nefario cognito profugit ad regem Thesprotum, ubi lacus Avernus dicitur esse: inde Sicyonem pervenit, ubi erat Pelopia filia Thyestis deposita, ibi casu nocte cum Minervae sacrificaret, intervenit: qui timens ne sacra contaminaret in luco delituit. Pelopia autem cum choreas ducit lapsa vestem ex cruore pecudis inquinavit. quae dum ad flumen exit sanguinem abluere tunicam maculatam deponit, capite obducto Thyestes e luco prosilivit et * ea compressione gladium de vagina ei extraxit Pelopia et rediens in templum sub acropodio Minervae abscondit. postero die rogat regem Thyestes, ut se in patriam Lydiam remitteret. - Interim sterilitas Mycenis frugam ac penuria oritur ob Atrei scelus *. Ibi responsum est, ut Thyestem in regnum reduceret. qui cum ad Thesprotum regem isset, existimans Thyestem ibi morari, Pelopiam aspexit et rogat Thesprotum, ut sibi Pelopiam in coniugium daret, quod putaret eam Thesproti esse filiam. Thesprotus, ne qua suspicio esset, dat ei Pelopiam, quae iam conceptum ex patre Thyeste habebat Aegisthum. quae cum ad Atreum venisset parit Aegisthum, quem exposuit: at pastores caprae supposuerunt. quem Atreus iussit perquiri et pro suo educari. - Interim Atreus mittit Agamemnonem et Menelaum filios ad quaerendum Thyestem: qui Delphos petierunt sciscitatum. Casu Thyestes eo venerat ad sortes tollendas de ultione fratris. comprehensus ab eis ad Atreum perducitur. quem Atreus in custodiam coniici iussit Aegisthumque vocat, existimans suum filium esse, et mittit eum ad Thyestem interficiendum. Thyestes cum vidisset Aegisthum et gladium quem Aegisthus gerebat et cognovisset quem in compressione perdiderat, interrogat Aegisthum, unde illum haberet. ille respondit matrem sibi Pelopiam dedisse: quam iubet accersiri. * cui respondit se in compressione nocturna nescio cui * eduxisse et exea compressione Aegisthum concepisse. tunc Pelopia glodium arripuit simulans se agnoscere et in pectus sibi detrusit: quem Aegisthus e pectore matris cruentum tenens ad Atreum attulit. ille existimans Thyestem interfectum laetabatur: quem Aegisthus in littore sacrificantem occidit et cum patre Thyeste in regnum avitum redit. LXXXIX Laomedon Neptunus et Apollio dicuntur Troiam muro cinxisse. his rex Laomedon vovit quod regno suo pecoris eo anno natum esset immolaturum. id votum avaritia fe fellit: alii dicunt parum prom[i]sisse. ob eam rem Neptunus cetum misit qui Troiam vexaret. ob quam causam rex ad Apollinem misit consultum. Apollo iratus ita respondit: si Troianorum virgines ceto religatae fuissent finem pestilentiae futuram. Cum complures consumptae essent et Hesiones sors exisset et petris religata esset, Hercules et Telamon, cum Colchos Argonautae irent, eodem venerunt et cetum interfecerunt, Hesionenque patri pactis legibus reddunt, ut cum inde rediissent secum in patriam eam abducerent et equos qui super aquas et aristas ambulabant. quod et ipsum Laomedon fraudavit neque Hesionen reddere voluit. itaque Hercules ad eos navibus comparatis ut Troiam expugnaret venit et Laomedontem necavit et Podarci filio eius infanti regnum dedit, qui postea Priamus est appellatus apo tou priasthai. Hesionen reciperatam Telamoni concessit in coniugium, ex qua natus est Teucer. XC Priami filii et filiae, numero LV Hector Deiphobus Ce(b)riones Polydorus Helenus Alexander Hippothous Antiphonus Agathon Di(us) (M)estor Lycaon Polymedon Ascanius Chirodamas Euagoras Dryops Astynomus Polyxena Laodice Deinome Phegea Polites Troilus Pammon +Brissonius Gargythion Protodamas Aretus +Henicea +Demnosia Cassandra Philomela Dolon Chro(mius) Eresus Chrysolaus Democoon Doryclus Hippasus Hyperion Lysianassa Iliona Nereis Euander Proneus Archemachus +Hilagus Axion Bia[nte]s Hypeirochus D(e)iopites Medusa Hero Creusa. XCI Alexander Paris Priamus Laomedontis filius complures liberos haberet ex concubitu Hecubae Cissei sive Dymantis filia|e|, uxor eius praegnans in quiete vidit se facem ardentem parere, ex qua serpentes plurimos exisse. id visum omnibus coniectoribus cum narratum esset, imperant quicquid pareret necaret, ne id patriae exitio foret. Postquam Hecuba peperit Alexandrum, datur interficiendus. quem satellites misericordia exposuerunt, [eum] pastores pro suo filio repertum expositum educarunt eumque Parim nominaverunt. Is cum ad puberem aetatem pervenisset habuit taurum in deliciis. Quo cum satellites missi a Priamo ut taurum aliquis adduceret venissent, qui in athlo funebri quod ei fiebat poneretur, coeperunt Paridis taurum abducere. qui persecutus est eos et inquisivit quo eum ducerent. illi indicant se eum ad Priamum adducere *qui vicisset ludis funebribus Alexandri. ille amore incensus tauri sui descendit in certamem et omnia vicit, fratres quoque suos superavit indignans Deiphobus gladium ad eum strinxit; at ille in aram Iovis Hercei insiluit. Quod cum Cassandra vaticinaretur eum fratrem esse, Priamus eum agnovit regiaque recepit. XCII Paridis iudicium Iovis, cum Thetis Peleo nuberet, ad epulum dicitur omnes deos convocasse excepta Eride id est Discordia. quae cum postea supervenisset nec admitteretur ad epulum ab ianua misit in medium malum, dicit quae esset formosissima attolleret. Iuno Venus Minerva formam sibi vindicare coeperunt. inter quas magna discordia orta Iovis imperat Mercurio, ut deducat eas in Ida monte ad Alexandrum Paridem, eumque iubeat iudicare. Cui Iuno, si secundum se iudicasset, pollicita est in omnibus terris eum regnaturum + divitem praeter c[a]eteros praestaturum: Minerva, si inde victrix discederet, + formissimum inter mortales futurum et omni artificio scium: Venus autem Helenam Tyndarei filiam formosissimam omnium mulierum se in coniugium dare promisit. Paris donum posterius prioribus anteposuit Veneremque pulcherrimam esse iudicavit. Ob id Iuno et Minerva Troianis fuerunt infestae. Alexander Veneris impulsu Helenam a Lacedaemone ab hospite Menelao Troiam abduxit eamque in coniugio habuit cum ancillis duabus Aethra et + Thisadie, quas Castor et Pollux captivas ei assignarant aliquando reginas. XCIII Cassandra Cassandra Priami et Hecubae filia in Apollinis fano ludendo lassa obdormisse dicitur. quam Apollo cum vellet comprimere, corporis copiam non fecit. ob quam rem Apollo fecit ut, cum vera vaticinaretur, fidem non haberet. XCIV Anchisa Venus Anchisam Assarci filium amasse et cum eo concubuisse dicitur. ex quo procreavit Aeneam eique praecepit, ne id apud homines enunciaret. quod Anchises inter sodales per vinum est elocutus: ob id a Iove fulmine est ictus. Quidam dicunt eum sua morte obisse. XCV Ulixes Agamemnon et Menelaus Atrei filii cum ad Troiam oppugnandam coniuratos duces ducerent in insulam Ithacam ad Ulixem Laertis filium venerunt. cui erat responsum, si ad Troiam isset post visesimum annum solum sociis perditis egentem domum rediturum. itaque cum sciret ad se oratores venturos insaniam simulans pileum sumpsit et equum cum bove iunxit ad aratrum. quem Palamedes ut vidit sensit simulare atque Telemachum filium eius cunis sublatum aratro ei|us| subiecit et ait: simulatione deposita inter coniuratos veni. tunc Ulixes fidem dedit se venturum. ex eo Palamedi infestus fuit. XCVI Achilles Thetis Nereis cum sciret Achillem filium suum quem ex Peleo habebat, si ad Troiam expugnandam isset, periturum commendavit cum in insulam Scyro|n| ad Lycomedem regem. quem ille inter virgines filias habitu f[o]emineo servabat nomine mutato: nam virgines Pyrrham nominarunt quoniam capillis flavis fuit et graece rufum pyrron dicitur. Achivi autem cum rescissent ibi eum occultari ad regem Lycomedem oratores miserunt qui rogarent ut eum adiutorium Danais mitteret. Rex cum negaret apud se esse potestatem eis fecit ut in regia quaererent. qui cum intelligere non possent quis esset earum, Ulysses in regio vestibulo munera f[o]eminea posuit, in quibus clypeum et hastam et subito tubicinem iussit canere armorumque crepitum et clamorem fieri iussit. Achilles hostem arbitrans adesse vestem muliebrem dilaniavit atque dypeum et hastam arripuit. ex hoc est cognitus, suasque operas Argivis promisit et milites Myrmidones. XCVII Qui ad Troiam expugnatum ierunt et quot naves AGAMEMNON Atrei et Aeropes filius Mycenis navibus centum MENELAUS frater eius Mycenis navibus LX PHOENIX Amyntoris filius Argi[vu]s [navibus L] ACHILLES Pelei et Thetidis filius insula Scyro navibus L AVTOMEDON auriga Achillis Scyro [navibus X] PATROCLUS Menoetii et Philomelae filiusPhthia [navibus X] AIAX Telamonis ex Eriboea filius Salamine navibus XII TEUCER frater ex Hesiona Laomedontis filia [navibus XII] ULYSSES Laertae et Anticliae filius Ithaca navibus XII DIOMEDES Tydei et Deipylae Adrasti filiae filius Argis navibus XXX STHENELUS Capanei et Euadnes filius Argis navibus XXIV EURYALUS Pallantis et Diomedae filius Argis navibus |X|XV AIAX Oilei et Rhenes nymphae filius Locrus navibus XL NESTOR Nelei et Chloridis |Amphionis| filiae filius Pylius navibus XC ANTILOCHUS Nestoris filius Pylius [navibus XX] THRASYMEDES frater ex Eurydice Pylius [navibus XV] EYRYPYLUS Euaemonis et Opis filius Ormenio navibus XXXX MACHAON Asclepii et Coronidis filius a Tricca navibus XX PODALIRIUS frater eius navibus X TLEPOLEMUS Herculis et Astyoches filius +Mycenis navibusVIIII IDOMENEUS Deucalionis filius a Creta navibus XXXX MERIONES Moli et +Melphidis filius a Creta navibus XXXX EUMELUS Admeti et Alcestis Peliae filiae a Perrhaebia navibus XI PHLOCTETA Poeantis et Demonassae filius Meliboea navibus VII PENELEUS Hippalci|mi| et Asteropes filius Boeotia navibus XII LEITUS Alectri|onis | et Cleobules filius ex Boeotia navibus XII CLONIUS frater eius ex Boeotia navibus IX ARCESILAUS |Arei|lyci et + Theobulae filius ex Boeotia navibus IX PROTHOENOR frater |eius| ex Thespia navibus VIII IALMENVS + Lyci et Pernidis filius +Argis navibus XXX ASCALAPHUS frater eius +Argis [navibus XXX] SCHEDUS Iphiti et Hippolytes filius+ Argis navibus XXX EPISTROPUS frater eius itidem navibus X ELEPHENOR Chalcodontis et Imenaretes filius+ Argis navibus XXXX MEN|ESTHEUS * |oeae filius Athenis navibus L AGAPENOR Ancaei filiusArcadia navibus LX AMPHIMACHUS Cteati et Theronices filius Elea navibus X |THALPIVS Euryti et Thereph|ones filius+ Mycenis navibus X DIORES Amaryncei |filius||navibus X| POLYXENUS Agasthenis filius |navibus X| MEGES Phylei et + Eustyoches filius a Dulichio navibus XL THOAS Andraemonis et Gorges filius Aetolia navibus XL |PROTESILAVS Iphicli filius e|x Ito|ne| navibus XX PODARCES |frater eius itidem navibus XX PROTHOUS Tenthredonis filius Magnesius navibus XL GVNEUS + Ociti et Aurophites filius + Argis navibus XXII NIREUS Charopi et |Aglaiae| nymphae filius + Argis navibus III ANTIPHUS Thessali et Chalciopes filius Nisyro navibus XX |PHIDIPPUS| frater eius itidem navibus X POLYPOETES Pirithoi et Hippodamiae filius Argis|sa| navibus XX LEONTEUS Coroni filius a Gyrtone navibus XX CALCHAS Thestoris filius Mycenis augur +PHOCUS Danai filius architectus EURYBATES et TALTHYBIUS internuncii DIAPHORUS iudex NEOPTOLEMUS Achillis et Deidamiae filius ab insula Scyro. hic idem Pyrrhus est vocitatus a patre Pyrrha. Summa navium MCLXXXVI XCVIII Iphigenia Agamemnon cum Menelao fratre + Asiae delectis ducidibus Helenam uxorem Menelai, quam Alexander Paris avexerat, repetitum ad Troiam cum irent, in Aulide tempestas eos ira Dianae retinebat, quod Agamemnon in venando cervam eius violavit superbiusque in Dianam est locutus. Is cum aruspices convocasset, et Calchas sc|elus| respondisset aliter expiari non posse nisi Iphigeniam filiam [Agamemnonis] immolasset, re audita Agamemnon recusare coepit. tunc Ulysses eum consiliis ad rem pulchram transtulit. Idem Ulysses cum Diomede ad Iphigeniam missus est adducendam. qui cum ad Clytemnestram matrem eius venissent, ementitur Ulysses eam Achilli in coniugium dari. quam cum in Aulidem adduxisset et parens eam immolare vellet, Diana virginem miserata est et caliginem eis obiecit cervamque pro ea supposuit; Iphigeniamque per nubes in terram Tauricam detulit ibique templi sui sacerdotem fecit. XCIX Auge Auge Alei filia ab Hercule compressa cum partus adesset in monte Parthenio peperit et ibi eum exposuit. Eodem tempore Atalante Iasii filia filium exposuit ex Meleagro natum, Herculis autem filium cerva nutriebat. hos pastores inventos sustulerunt atque nutrierunt, quibus nomina imposuerunt Herculis filio Telephum, quoniam cerva nutrierat: Atalantes autem Parthenop|a|eum, quoniam virgine|m| simu|lans Ata|lante in monte Parthenio eum exposuerat. Ipsa autem Auge patrem suum timens profugit in Mysiam ad regem Teuthrantem, qui cum esset orbus liberis hanc pro filia habuit. C Teuthras Teuthrantem regem in Mysia Idas Apharei filius regno privare voluit. quo cum Telephus Herculis filius ex responso quaerens matrem cum comite Parthenopaeo venisset [et], huic Teuthras regnum et filiam Augen in coniugium daturum promisit, si se ab hoste tutasset. Telephus conditionem regis non praetermisit, cum Parthenopaeo Idam uno praelio superavit. cui rex pollicitam fidem praestitit regnumque et Augen matrem inscientem in coniugium dedit. Quae cum mortalem neminem vellet suum corpus violare 20 Telephum interficere voluit inscia filium suum. itaque cum in thala num venissent, Auge ensem sumpsit ut Telephum interficeret. tum deorum voluntate dicitur draco immani magnitudine inter eos exisse, quo viso Auge ensem proiecit et Telepho inceptum patefecit. Telephus re audita inscius matrem interficere voluit: illa Herculem violatorem suum imploravit et ex eo Telephus matrem agnovit et in patriam suam reduxit. CI Telephus Telephus Herculis et Auges filius ab Achille in pugna Chironis hasta percussus dicitur. ex quo vulnere cum in dies tetro cruciatu angeretur petit sortem ab Apolline, quod esset remedium: responsum est ei neminem mederi posse, nisi + eandem hastam qua vulneratus erat. hoc Telephus ubi audivit ad regem Agamemnonem venit et monitu Clytemnestrae Orestem infantem de cunabulis rapuit minitans, se eum occisurum, nisi sibi Achivi mederentur. Achivis autem quod responsum erat, sine Telephi ductu Troiam capi non posse, facile cum eo in gratiam redierunt et ab Achille petierunt, ut eum sanaret. quibus Achilles respondit, se artem medicam non nosse. tunc Ulysses ait: 'non te dicit Apollo, sed au|c|torem vulneris hastam nominat'. quam cum rasissent remediatus est. a quo cum peterent, ut secum ad Troiam expugnandam iret, non impetrarunt, quod is Laodicen Priami filiam uxorem haberet. sed ob beneficium quod eum sanarunt eos deduxit. locos autem et itinera demonstravit, inde in Mysiam est profectus. CII Philoctetes Philoctetes Poeantis et Demonassae filius cum in insula Lemmo esset, coluber eius pedem percussit, quem serpentem Iuno miserat, irata ei ob id quia solus praeter c[a]eteros ausus fuit Herculis pyram construere, cum humanum corpus est exutum et ad immortalitatem traditum. ob id beneficium Hercules suas sagittas divinas ei donavit. Sed cum Achivi ex vulnere tetrum odorem ferre non possent, iussu Agamemnonis regis in Lernno expositus est cum sagittis divinis. quem expositum pastor regis Actoris nomine Iphimachus Dolopionis filius nutrivit. Quibus postea responsum est sine Herculis sagittis Troiam capi non posse. tunc Agamemnon Ulyssem et Diomedem exploratores ad eum misit. cui persuaserunt, ut in gratiam rediret et ad expugnandam Troiam auxilio esset, eumque secum sustulerunt. CIII Protesilaus Achivis fuit responsum, qui primus littora Troianorum attigisset periturum. cum Achivi classes applicuissent, c[a]eteris cunctantibus Iolaus et Diomedeae filius primus e navi prosilivit: qui ab Hectore confestim est interfectus. quem cuncti appellarunt Protesilaum, quoniam primus ex omnibus perierat. - Quod uxor Laodamia Acasti filia cum audisset eum perisse, flens petit a diis, ut sibi cum eo tres horas colloqui liceret. quo impetrato a Mercurio reductus [tres horas cum eo colloquuta] est quod* iterum cum obisset Protesialus [dolorem pati non portuit Laodamia]. [CIIII Laodamia] [Laodamia Acasti filia amisso coniuge] cum tres horas consumpsisset, quos a diis petierat, fletum et dolorem pati non potuit. itaque fecit simulacrum cereum simile Protesilai coniugis et in thalamis posuit sub simulatione sacrorum et eum colere coepit. quod cum famulus matutino tempore poma ei attulisset ad sacrificium, per rimam aspexit viditque eam + ab amplexu Protesilai simulacrum tenentem atque osculantem: existimans eam adulterum habere Acasto patri nunciavit. qui cum venisset et in thalamos irrupisset vidit effigiem Protesilai. quae ne diutius torqueretur, iussit signum et sacra pyra facta comburi: quo se Laodamia dolorem non sustinens immisit atque usta est. CV Palamedes Ulysses quod Palamedis Nauplii filii dolo erat deceptus, in dies machinabatur, quomodo eum interficeret. tandem inito consilio ad Agamemnonem militem suum misit, qui diceret ei, in quiete vidisse *, ut castra uno die moverentur. id Agamemnon verum existimans castra uno die imperat moveri. Ulysses autem clam noctu solus magnum pondus auri, ubi tabernaculum Palamedis fuerat, obruit; item epistolam conscriptam Phrygi captivo ad Priamum dat perferendam, militemque suum priorem mittit, qui eum non longe a castris interficeret. Postero die cum exercitus in castra rediret, quidam miles epistolam, quam Ulysses scripserat, super cadaver Phrygis positam ad Agamemnonem attulit. in qua scriptum fuit: PALAMEDEI A PRIAMO MISSA, tantumque ei auri pollicetur, quantum Ulysses in tabernaculum obruerat, si castra Agamemnonis ut ei convenerat proderet. Itaque Palamedes cum ad regem esset productus et factum negaret, in tabernaculum eius ierunt et aurum effoderunt. quod Agamemnon ut vidit vere factum esse credidit. quo facto Palamedes dolo Ulyssis deceptus ab exercitu universo innocens occisus est. CVI Hectoris lytra Agamemnon Briseidam Brisei sacerdotis filiam ex Mysia captivam, propter formae dignitatem quam Achilles ceperat, ab Achille abduxit eo tempore, quo Chryseida Chrysi sacerdoti Apollinis Zminthei reddidit. quam ob iram Achilles in praelium non prodibat, sed cithara in tabernaculo se exercebat. Quod cum Argivi ab Hectore fugarentur Achilles obiurgatus a Patrodo arma sua ei tradidit, quibus ille Troianos fugavit existimantes Achillem esse, Sarpedonemque Iovis et Europae filium occidit. postea ipse Patroclus ab Hectore interficitur armaque ei sunt detracta. Patroclo occiso Achilles cum Agamemnone redit in gratiam * Briseidamque ei reddidit. tum contra Hectorem cum inermis prodisset, Thetis mater a Vulcano arma ei impetravit, quae Nereides per mare attulerunt. quibus armis ille Hectorem occidit astrictumque ad currum traxit circa muros Troianorum. quem sepeliendum cum patri nollet dare, Priamus Iovis iussu duce Mercurio in castra Danaorum venit et filii corpus auro repensum accepit: quem sepulturae tradidit. CVII Armorum iudicium Hectore sepulto cum Achilles circa moenia Troianorum vagaretur ac diceret, se solum Troiam expugnasse, Apollo iratus Alexandrum Parin se simulans talum, quem mortalem habuisse dicitur, sagitta percussit et occidit. Achille occiso ac sepulturae tradito Aiax Telamonius, quod frater patruelis eius fuit, postulavit a Danais, ut arma sibi Achillis darent: quae |ei| ira Minervae abiurgata sunt ab Agamemnone et Menelao, et Ulyssi data. Aiax iniuria accepta per insaniam pecora sua et se ipsum +vulneratum **occidit eo eo gladio, quem ab Hectore muneri accepit, dum cum eo in acie contendit. CVIII Equus Troianus Achivi cum per decem annos Troiam capere non possent, Epeus monitu Minervae equum mirae magnitudinis ligneum fecit; eoque sunt collecti Menelaus Ulysses Diomedes Thessander Sthenelus Acamas Thoas Machaon Neoptolemus; et in equo scripserunt DANAI MINERVAE DONO DANT castraque transtulerunt Tenedo. Id Troiani cum viderunt arbitrati sunt hostes abisse. Priamus equum in arcem Minervae duci imperavit, feriatique magno opere ut essent edixit. id vates Cassandra cum vociferaretur inesse hostes, fides ei habita non est. Quem in arcem cum statuissent et ipsi noctu lusu atque vino lassi obdormissent, Achivi ex equo aperto a Sinone exierunt et portarum costodes occiderunt, sociosque signo dato receperunt et Troia sunt potiti. CVIIII Iliona Priamo Polydorus filius ex Hecuba cum esset natus, Ilionae filiae suae dederunt eum educandum, quae Polym[n]estori regi Thracum erat nupta. Quem illa pro filio suo educavit, Deipylum autem, quem ex Polym[n]estore procreaverat, pro fratre suo educavit, ut, si alteri eorum quid foret, parentibus * praestaret. Sed cum Achivi Troia capta prolem Priami extirpare vellent, Astyanacta Hectoris et Andromachae filium de muro deiecerunt et ad Polym[n]estorem legatos miserunt, qui ei Agamemnonis filiam nomine Electram pollicerentur in coniugium et auri magnam copiam, si Polydorum Priami filium interfecisset. Polym[e]estor legatorum dicta non repudiavit Deipylumque filium suum imprudens occidit arbitrans, se Polydorum filium Priami interfecisse. Polydorus autem ad oraculum Apollinis de + parentibus suis sciscitatum est profectus: cui responsum est, patriam incensam patrem occisum matrem in servitute teneri. cum inde rediret et vidit aliter esse ac sibi responsum fuit* se Polym[n]estoris esse filium, ab sorore Iliona inquisivit, quid ita aliter sortes dixissent. cui soror quid veri esset patefecit et eius consilio Polym[n]estorem luminibus privavit atque interfecit. CX Polyxena Danai victores cum ab Ilio dassem conscenderent et vellent in patriam suam quisque reverti et praedam quisque sibi duceret, ex sepulcro vox Achillis dicitur praedae partem expostulasse. itaque Danai Polyxenam Priami filiam, quae virgo fuit formosissima, propter quam Achilles, cum eam peteret et ad colloquium venisset, ab Alexandro et Deiphobo est occisus, ad sepulcrum eius eam immolaverunt. CXI Hecuba Ulysses Hecubam Cissei filiam, vel ut alii au|c|tores dicunt Dymantis, Priami uxorem, Hectoris matrem in servitutem cum duceret, illa in Hellespontum mare se praecipitavit et canis dicitur facta esse, unde et cyneum est appellatum. CXII Provocantes inter se qui cum quo dimicarunt Meneleaus cum Alexandro: Alexandrum Venus eripuit Diomedes cum Aenea: Aeneam servavit Venus idem cum Glauco: in hospitio cognito discesserunt idem cum Pandaro [et Glauco alio]: Pandarus [et Glaucus] + occiduntur. Aiax cum Hectore: donificantes discessere. Aiax Hectori donavit balteum unde est tractus, Hector Aiaci gladium unde se interfecit Patroclus cum Sarpedone: Sarpedon occiditur Menelaus cum Euphorbo: Euphorbus occiditur ; qui postea Pythagoras est factus et meminit suam animam in corpora transisse. Achilles cum Asteropaeo: Asteropaeus occiditur idem cum Hectore: Hector occiditur idem cum Aenea: Aeneas fugatur idem cum Agenore: Agenorem ' servavit Apollo' idem cum Penthesilea Amazone, Martis et Otrerae filia: Penthesilea occiditur. Antilochus cum Memnone: Antilochus occiditur. Achilles cum Memnone: Memnon occiditur. Philoctetes cum Alexandro: Alexander occiditur Neoptolemus cum Eurypylo: Eurypylus occiditur CXIII Nobilem quem quis occidit Achillem Apollo Alexandri figura Hector Protesilaum idem ** Antilochum Agenor Elephenorem idem Clonium Eurypylus Nireum idem Machaonem Ulysses Hippodamum idem Chromium Aiax |Polydamantem| idem Glaucum Diohedes Dolonem idem Rhesum Menelaus Deiphobum idem Pylaemenem Deiphobus Ascalaphum idem + Antonoum Sarpedon Tlepolemum Agamemnon Iphidamantem idem Antiphum Aiax Locrus + Carcanum idem + Gavium Achilles Troilum Achilles + Astynomum Neoptolemus Priamum CXIIII Achivi qui quot occiderunt Achilles numero LXXII Protesialus num. IIII Eurypylus num. I Thoas nu. II Thrasymedes num. II Agamemnon num. XVI Menelaus VIII Meriones num. VII Idomeneus num. XIII Aiax Telamonius num. XXVIII Patroclus num. LIII Teucer num. XXX Antilochus num.II Peneleus num. II Aiax Oilei num.XXIV Leitus nu. XX Diomedes num.XVIII Philocteta num.III Ulysses num. XII Leonteus num. V Polypoetes num. I Neoptolemus VI Fit numerus CCCLXII CXV Troiani qui quot occiderunt Hector numero XXXI Panthous num. IIII Polydamas num. III Clytus num. III Fit numerus LXXXVIII Alexander num. III Gargasus num. II Aeneas numero XXVIII Acamas num. I Sarpedon num. II Glaucus numero IIII Deiphobus num. IIII Agenor num. II CXVI Nauplius Ilio capto et divisa praeda Danai cum domum redirent, ira deorum quod fana spoliaverant et quod Cassandram Aiax Locrus a signo palladio abripuerat, tempestate et flatibus adversis ad saxa Capharea naufragium fecerunt; in qua tempestate Aiax Locrus fulmine est a Minerva ictus, quem fluctus ad saxa illiserunt, unde Aiacis petrae sunt dictae. c[a]eteri noctu cum fidem deorum implorarent, Nauplius audivit sensitque tempus adesse ad persequendas filii sui Palamedis iniurias. itaque tanquam auxilium eis afferret, facem ardentem eo loco extulit, quo saxa acuta et locus periculosissimus erat. illi credentes humanitatis causa id factum naves eo duxerunt: quo facto plurimae eorum confractae sunt militesque plurimi cum ducibus tempestate occisi sunt membraque eorum cum visceribus ad saxa illisa sunt: si qui autem potuerunt ad terram natare a Nauplio interficiebantur. At Ulyssem ventus detulit ad Maronem, Menealum in Aegyptum; Agamemnon cum Cassandra in patriam pervenit. CXVII Clytemnestra Clytemnestra Tyndarei filia Agamemnonis uxor cum audisset ab Oeace Palamedis fratre, Cassandram sibi pellicem adduci (quod ementitus est, ut fratris iniurias exequeretur), tunc Clytemnestra cum Aegistho filio Thyestis cepit consilium, ut Agamemnonem et Cassandram interficeret: quem sacrificantem securi cum Cassandra interfecerunt. At Electra Agamemnonis filia Orestem fratrem infantem sustulit; quem demandavit in Phocide Strophio, cui fuit Astyochea Agamemnonis soror nupta. CXVIII Proteus In Aegypto Proteus senex marinus divinus dicitur fuisse, qui in omnes se figuras convertere solitus erat. quem Menelaus Idotheae filiae eius monitu catena alligavit, ut sibi diceret, quando domum repetitionem haberet. quem Proteus edocuit, iram deorum |ob| esse, quod Troia esset devicta, ideoque id fieri debere, quod * * [hecatomben graece dicitur, cum centum armenta occiduntur.] itaque Menelaus hecatomben fecit. tunc demum post octavum annum quam ab Ilio discesserat cum Helena in patriam redit. CXIX Orestes Orestes Agamemnonis et Clytemnestrae filius postquam in puberem aetatem venit studebat patris sui mortem exequi. itaque consilium capit cum Pylade et Mycenas venit ad matrem Clytemnestram, dicitque se Aeolium hospitem esse nuntiatque Orestem esse mortuum, quem Aegisthus populo necandum demandaverat: nec multo post Pylades Strophii filius ad Clytemnestram venit urnamque secum affert dicitque ossa Orestis condita esse. quos Aegisthus laetabundus hospitio recepit. [qui] occasione capta Orestes cum Pylade noctu Clytemnestram matrem et Aegisthum inteficiunt. quem Tyndareus cum accusaret, Oresti a Mycenensibus fuga data est propter patrem. quem postea furiae matris exagitarunt. CXX Iphigenia Taurica Orestem furiae cum exagitarent Delphos sciscitatum est profectus, quis tandem modus esset aerumnarum: responsum est, ut in terram Tauricam ad regem Thoantem patrem Hypsipyles iret, indeque de templo Dianae signum Afgos afferret; tunc finem fore malorum. sorte audita cum Pylade Strophii filio sodale suo navem conscendit celeriterque ad Taur[ic]os [fines] devenerunt, quorum fuit institutum ut qui intra fines eorum hospes venisset templo Dianae immolaretur. ubi Orestes et Pylades cum in spelunca se tutarentur et occasionem captarent, a pastoribus deprehensi ad regem Thoantem sunt deducti. quos Thoas suo more uinctos in templum Dianae ut immolarentur duci iussit, ubi Iphigenia Orestis soror fuit sacerdos. eosque ex signis atque argumentis qui essent quid venissent postquam resciit, abiectis ministeriis ipsa coepit signum Dianae avellere. quo rex cum intervenisset et rogitaret cur id faceret, illa ementia est dicitque eos sceleratos signum contaminasse: quod impii et scelerati homines in templum esent adducti, signum expiandum ad mare ferre oportere, et iubere eum interdicere civibus, ne quis eorum extra urbem exiret. rex sacerdoti dicto audiens fuit occasione Iphigenia nacta signo sublato cum fratre Oreste et Pylade in navem ascendit ventoque secundo ad insulam Zmint|h|en ad Chrysen sacerdotem Apollinis delati sunt. CXX Chryses - Agamemnon cum ad Troiam iret, [et] Achilles in Mysiam venit et Chryseidam Apollinis sacerdotis filiam abduxit eamque Agamemnoni dedit in coniugium. quod cum Chryses ad Agamemnonem deprecandum venisset, ut sibi filiam redderet, non impetravit. ob id Apollo exercitum eius partim fame |partim morbo| prope totum consumpsit. itaque Agamemnon Chryseida gravidam sacerdoti remisit. quae cum diceret se ab eo intactam esse, suo tempore peperit Chrysen iuniorem et dixit se ab Apolline concepisse. -